هاوخەمییەکان بۆ کۆچی دوایی بەختیار شێخ عوسمان

PUKMEDIA

بەختیار شێخ عوسمان

پەیامی هاوخەمی و پرسەنامەکان بۆ کۆچی دوایی تێکۆشەری دێرین و پێشمەرگەی قارەمان و کەسایەتی ناسراو (بەختیار شێخ عوسمان).

پەیامی هاوخەمی سەرۆک بافڵ جەلال تاڵەبانی

بەڕێزان کەسوکار و بنەماڵەی تێکۆشەری کاک (بەختیار شێخ عوسمان)

‎بۆ کۆچی دوایی بەختیار شێخ عوسمان، تێکۆشەری رێی خەبات و شۆڕشی نوێ، برای شەهیدان كاك سەردار و كاك رێبوار، پرسە و هاوخەمی قووڵی خۆمان ئاڕاستەی ئێوە و بنەماڵە شۆڕشگێڕەكەتان دەكەم كە نموونەی بەرزی خەبات و تێكۆشانن لەپێناو كوردستان.

‎لەخوای گەورە داواکارم کۆچکردوو بە بەهەشتی بەرین شاد بکات و سەبووری بە هەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

کۆسرەت رەسول هاوخەمی بۆ کۆچی دوایی بەختیار شێخ عوسمان دەردەبڕێت

بەڕێزان: خانەوادەو کەسوکاری هەڤاڵ بەختیار شێخ عوسمان

بەداخێکی زۆرەوە هەواڵی کۆچی دوایی تێکۆشەری دێرین و پێشمەرگەی قارەمان و کەسایەتی ناسراو (بەختیار شێخ عوسمان)م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆم ئاراستەی ئێوەو خانەوادە تێکۆشەرو قارەمانەکەتان دەکەم، ئومێد دەکەم دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.


کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

پرسەنامەی قوباد تاڵەبانی بۆکۆچی دوایی شێخ بەختیار شێخ عوسمان

بەڕێزان خێزان و خانەوادەی کۆچکردوو شێخ بەختیار شێخ عوسمان
بەبیستنی هەواڵى کۆچی دوایی (شێخ بەختیار شێخ عوسمان) نیگەران و دڵگران بووم. بۆ ئەم خەمە پرسەو سەرەخۆشی لە ئێوە و کەسوکار و بنەماڵەکەتان دەکەم. 
کۆچکردوو لەخانەوادەیەکی نیشتمانپەروەر و جوامێری رێگای کوردایەتی و برای هەردوو شەهیدی نەمرە کاک سەردار و کاک رێبوارە، کۆچکردنی جێگای ئەسەفی هەموومانە. 
خواى گەورە لە کۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

پرسەنامەی مەکتەبی ڕێکخستن بۆکۆچی دوای تێکۆشەری دێرین بەختیار شێخ عوسمان

خانەوادەی تێکۆشەری دێرین بەختیاری شێخ عوسمان

دڵگران و خەمبارین بەبیستنی هەواڵی کۆچی دوای برای تێکۆشەرمان کاکە بەختیاری شێخ عوسمان  . بەم بۆنە خەمناک و خەمبارەوە بەناوی هەڤاڵ سەرکەوت زەکی ئەندامی مەکتەبی سیاسی ولێپرسراوی مەکتەب و تەواوی هەڤاڵانی مەکتەبەکەمانەوە پرسەو سەرەخۆشی خۆمان ئاراستەی خانەوادە تێکۆشەرەکەتان دەکەین وخوازیارین دواکۆستی خانەوادەبەڕێزەکەتان بێت و ڕۆحی کاکە بەختیاریش بەبەهەشتی بەرین شاد ببێت.
خوالێخۆشبوو یەکێک بوە لەتێکۆشەرە دێرینەکانی ڕۆژە سەختەکانی خەبات لەناوڕیزەکانی یەکێتی نیشتمانی کوردستان ، کادرێکی شۆڕشگێر و ڕۆشن فکربوەو لەبنەماڵەیەکی تێکۆشەرو کوردپەروەربوە . خاوەنی دووبرای شەهیدی قارەمانە و کەسایەتیەکی دیاری کۆمەڵایەتی و ناو کایەی ڕوناکبیری و راستگۆ لەگەل بیروباوەڕەکانی بوە و خۆشەویستی هەموان بوە،بەداخێکی زۆرەوە بەرەبەیانی ئەمرۆ ژیانئاوای لێکردین . بۆیە لەدەست دانی کارەساتێکی گەورەیە بۆ گەلەکەمان.

درودبۆگیانی پاکی کاکە بەختیار
هەزاران سڵاو لەڕۆحی پاکی شەهیدان

مەکتەبی ڕێکخستنی 
یەکێتی نیشتمانی کوردستان

PUKMEDIA