كاروانی سەوزكردن دەگاتە قەرەهەنجیر و بانی مەقان

PUKMEDIA

سەوزكردنی قەرەهەنجیر و بانی مەقان

لەچوارچێوەی هەڵمەتی نیشتمانی رواندنی یەك ملیۆن نەمام و سەوزكردنی كوردستان لەسەر بڕیار و راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستان.

لەقۆناغی پێنجەمدا سبەی یەك شەممە 29-1-2023، پرۆژەكە دەگاتە سنووری هۆبەی دارستان و پاوانی چەمچەماڵ و لە هەردوو دارستانی بانی مەقان و قەرەهەنجیر هەزاران نەمام دەڕوێندرێت .

ئەندازیار هاوكار جەلال بەڕێوەبەری دارستان وپاوانی سلێمانی لە لێدوانێكدا رایگەیاند نەمام رواندن لە سلێمانی، شارەزوور، قەرەداغ، خەلەكان و بارەگای فەرماندەیی هێزەكانی 70، بەردەوامەوە و بەشێوەیەكی زانستی چەندین تیمی جیاجیا بەردەوامن لە كاركردن، لەم قۆناغەشدا لەسنووری قەرەهەنجیر و چەمچەماڵ دەستپێدەكەین و مەبەستمان بووە هەڵمەتەكە بگەیەنینە ئەم ناوچانە، ئەم پرۆژە نیشتمانییەش كاریگەری لەسەر بەرفراوانكردنی دارستانەكان و زیادكردنی رووبەری سەوزایی دەبێت و هەوڵێكی گرنگیشە بۆ  رووبەرووبونەوەی بەبیابان بوون و پاراستنی ژینگەی كوردستان.

PUKMEDIA