چاکسازی و رێکخستنەوەی پێشمەرگە بژاردە نیە، ناچاریی سەردەم و مێژووە!!

محەمەد عەبدولواحید

لەوەگەڕێ پێشمەرگە بەرهەمی خەبات و قوربانیدانی 80 ساڵەی گەلێکە، گەلێک کە جینۆسایدی لەبەرامبەر کراوە. پێشمەرگە هێزێکی دەستوری و یاسایی ڕێگەپێدراویشە بەپێی (ماددەی 121 دەستووری 2005 عیراق).

دۆخی کوردستان و هاوکێشە هەرێمییەکان و سەرپێنەخستنی ئیرادەی جددی، پێشمەرگەی خستە بەردەم پرسیار و گومانی تێکەڵکردن بە سوپای عیراق، ئەگینا هەم لەڕووی مێژووییەوە، هەم یاسایی و دەستووری، هەم عەقیدەی سەربازیش ئەوەی دەوترێت دەربارەی تێکەڵکردنەوەی پێشمەرگە و سوپای عیراق وەهمه...

بڕیارەکانی ئەم دواییە بۆ یەکخستنی هێزەکەو گۆڕانکارییە نوێیەکان و سەرپێخستنی چاکسازییەکان، هەنگاوی گەورەن بەئاڕاستەی پاراستن و تۆکمەکردنی ئەم هێزە نشتیمانییە، لەباهۆزی گۆڕانکارییەکان.

نابێ لەژێرباری هیچ پاساوێکدا، پرۆسەی چاکسازی و یەکخستنی پێشمەرگە پەکخرێت، پێشمەرگە زەمانەتی مانەوەو پاراستنی هەرێم و خەڵکەکەیەتی لەئەگەر و سیناریۆ و مەترسییەکانی داهاتوو ....

نابێ لەژێرباری هیچ پاساوێکدا، پرۆسەی چاکسازی و یەکخستنی پێشمەرگە پەکخرێت.

*فەرماندەی هێزی ئەلفا

PUKMEDIA