Saziya Serok Celal Talebanî digel Wezareta Jîngehê û UNDPê dicive

Ragihandina Saziya Serok Celal Talebanî

Wêneyekê Civînê

Saziya Serok Celal Talebanî ligel şandeke Wezareta Jîngehê ya Federal û nûnerê Bernameya Pêşvebirinê ya Neteweyên Yekbûyî (UNDP) li Îraqê, pêşveçûnên dawî yên têkildarî projeya parastina xwezayî ya "Parka Şehîdan" û asoyên hevkariyên wan ên hevbeş di projeyên jîngehî û pêşvebirina berdewam de gotûbêj kirin.

Şanda Wezareta Jîngehê ya Federal ji Rêvebera Giştî ya Fermangeha Hişyarkirin û Ragihandina Jîngehî di wezaretê de Dr. Necla Wailî, û Rêveberê Beşa Pirrengiya Jîndar û Sîstematîkên Xwezayî Dr. Adil Omran pêk hatibû.

Her wiha di civînê de nûnerê Bernameya Pêşvebirinê ya Neteweyên Yekbûyî li Iraqê (UNDP) Dr. Farûq Wekîl jî, beşdar bibû.
Di civînê de qonaxên kar û nirxandina taybet bi projeya "Parka Şehîdan" hatin pêşkêşkirin, ligel giringiya projeyê wekî nêrîneke jîngehî ku armanca wê parastina pirrengiya jîndar û sîstemên jîngehî, berfirehkirina rûberê xwezayî û çespandina hişyariya jîngehî ye, bi awayekî ku li gel arasteyên parastina jîngehê li Îraqê biguncê.

Her wiha şiyanên pêşvebirina hevparên pêşerojê di navbera Saziya Serok Celal Talebanî û Bernameya Pêşvebirinê ya Neteweyên Yekbûyî (UNDP) de hatin gotûbêjkirin, ligel karê li ser amadekirin û cîbicîkirina projeyên hevbeş di warê jîngeh û pêşvebirinê de bi armanca piştgiriya hewlên nîştimanî û xurtkirina wan destpêşxeriyên ku bandoreke wan a berdewam heye.

Di civînê de tekezî li ser giringiya temamkariya hewlan di navbera saziyên nîştimanî û rêxistinên navneteweyî û guhertina pisporiya teknîkî hat kirin, bi awayekî ku derfetê bide derbasbûna projeyên jîngehî ji asta destpêşxeriyê ber bi projeyeke sazûmanî ya berdewam ve ku xizmeta mirov, jîngeh û civakê bike.

PUKMEDIA