Komandoyên Kurdistanê: Yekxistina Pêşmerge pêşerojeke geştir misoger dike

Ragihandina Hêza Komando ya Kurdistanê

Logoya Hêza Komando ya Kurdistanê

Fermandariya Hêzên Komandoyên Kurdistanê pêşwaziyê li yekxistina Hêza Pêşmergeyên Kurdistanê dike û wekî werçerxanekî bingehîn di dariştina stratejiya berevaniya nîştimanî de bi nav dike, her wiha pabendbûna xwe bi erk û berpirsiyariyan dubare dike, wekî hêzeke nîştimanî ya pîşeyî.

Naveroka daxuyaniya Hêzên Komandoyên Kurdistanê:

Pêşmerge; kelha polayîn û artêşa nîştimanî ya Kurdistanê ye

Gelê têkoşer ê Kurdistanê, Pêşmergeyên qehreman...

Di dîroka xebat û berevaniya nîştimanî de, dema ku biryarên dîrokî li gel daxwazên rewa yên gelê me yek digirin, ezmanê Kurdistanê bi nîşana yekrêziya nîştimanî ronaktir dibe.

Pêvajoya yekxistina Hêza Pêşmergeyên Kurdistanê, wekî werçerxanekî bingehîn di dariştina stratejiya berevaniya nîştimanî de, cihê pêşwaziyeke germ û tije serbilindiyê ye li cem hemû çîn û texên civakê.

Ev gava stratejîk, ne tenê yekxistina araste û şiyanên leşkerî ye, belku avakirina kelheke polayîn e ji bo parastina destkeftên destûrî yên Herêma Kurdistanê û statuya wê ya siyasî.

Hêzên Komandoyên Kurdistanê ji vê bingehê ve, bi herî zêde bawerî û îradeya nîştimanî ve, pabendbûna xwe bi erk û berpirsiyariyan dubare dike, wekî hêzeke nîştimanî ya pîşeyî, yekgirtî û nûjen ku di asta mezinahiya erk û berpirsiyariyan de be.

Serkeftina proseya yekxistina Pêşmerge, zemînsaziyeke misoger e ji bo pêşerojeke geştir, aramtir û parastîtir ji bo nifşên pêşerojê yên gelê me.

Kurên Komandoyên Kurdistanê careke din, peymana dilsoziyê ji bo ax û nîştiman nû dikin û bi moraleke bilind ve li ser erkên xwe yên resen di parastina asayîş, aramî û seqamgîriya herêma me de dimînin.

Silav ji bo giyana pak ên şehîdên rêya azadiya Kurdistanê...

Serbilindî û şikodarî ji bo Pêşmergeyên Kurdistanê ku her dem mertalên polayîn ên parastina vê axê ne...

Ragihandina Fermandariya Hêzên Komandoyên Kurdistanê
21ê Îlona 2026an

PUKMEDIA