Şalaw Kosret Resûl: Ti dem ji bo civîna YNK û PDKê nehatiye diyarîkirin

PUKMEDIA

Şalaw Kosret Resûl

Endamê Mekteba Siyasî ya YNKê radigihîne: Serok Bafil serdaneke serkeftî ji bo Îranê pêk anî û dibêje: Ti dem ji bo civîna di navbera Yekîtiya Nîştimanî ya Kurdistanê YNKê û Partiya Demokrata Kurdistanê PDKê de nehatiye diyarîkirin.

Endamê Mekteba Siyasî ya Yekîtiya Nîştimanî ya Kurdistanê Şalaw Kosret Resûl, di daxuyaniyekê de ji bo kenalên ragihandinê axivî û got: Serok Bafil serdaneke serkeftî ji bo Îranê kir û di serdana xwe de rewşa navçeyê bi giştî û Herêma Kurdistanê û Îraqê bi taybetî mijareke girîng a civînên wî bûn.
Derbarê civîna di navbera YNK û PDKê de jî ragihand: Ti dem ji bo civîna di navbera Yekîtî û Partî de nehatiye diyarîkirin û deriyê gotûbêjên me vekirî ye û em ligel Partiyê berdewam in, lêbelê em negihiştine ti lihevkirinekê derbarê pêkanîna hikûmetê de.

Şalaw Kosret Resûl da xuyakirin jî, hevpeymaniya me ligel Nifşê Nû (Newey Nû) berdewam e û wekî xwe ye, peymana me gelek babet tê de hene û tenê pirsa beşdarbûna di hikûmetê de nîne.

Ev yek di demekê de ye ku di 20ê Cotmeha 2024an de hilbijartinên xula şeşem a Parlamentoya Kurdistanê li bazinên Hewlêr, Silêmanî, Duhok û Helebçeyê birêve çûn, û heta niha jî hikûmeta nû ya Herêmê nehatiye pêkanîn. Yekîtiya Nîştimanî ya Kurdistanê hewlên xwe ji bo xurtkirina hevparîya rasteqîn û pêşîgirtina li takrewiyê li Îraq û Herêmê xurt kiriye; bi awahiyekî ku pirsa hevparîya rasteqîn li gorî nerîna Yekîtiyê tenê di beşdarbûna di hikûmetê û parvekirina postan de xwe nabîne, belku di biryarên çarenivîsaz û roldîtina li nexşeya siyasî û hikumdariya welat de xwe dibîne, ku li cem YNKê pirsa mûçeyê di karê pêşîne ye.

PUKMEDIA