riklam

بۆ دابەشکردنی نەوت سلێمانی دەکرێت بە 10 مەڵبەندەوە

کوردستان 11:51 AM - 2026-11-22
دابەشکردنی نەوت راگەیاندنی نەوت و کانزاکانی سلێمانی

دابەشکردنی نەوت

دابەشکردنی نەوت لە سنوری پارێزگای سلێمانی دەستیپێکردوەو لەسەرەتاشدا مەڵبەندی 8 و 9 و 10 نەوت وەردەگرن، چونکە ساڵی رابردوو ئەو مەڵبەندانە فریا نەکەوتن نەوت وەربگرن کەبۆ هەر خێزانێک بڕی 100 لیترە و لەبەرامبەردا 33 هەزار دیناریان لێوەردەگیرێت.

شاهۆ عوسمان جێگری پارێزگاری سلێمانی بە PUKMEDIA ی راگەیاند: لە دوێنێوە دابەشکردنی نەوت لە قەزای پێنجوێن دەستیپێکردوەو پاشانیش بە شارباژێڕ و ناوچە کوێستانییەکان بەردەوامی دەبێت.

راشیگەیاند: لەپاش تەواوبونی دابەشکردنی نەوت لە ناوچە شاخاوییەکان، پرۆسەکە لەناو پارێزگای سلێمانی دەستپێدەکات، کە سنوری پارێزگاکە دابەش بوون بەسەر 10 مەڵبەنددا.

گەڕەکەکانی سەنتەری شاری سلێمانی، بەم شێوەیە، دابه‌ش كراوه‌ به‌سه‌ر ( 10 ) مه‌ڵبه‌نددا:

مه‌ڵبه‌ندی یەک یان 261
بریتیه‌ له‌ گه‌ڕه‌كه‌كانی ( شه‌هیدانی ئازادی، ئازادی یه‌كگرتوو، عه‌لی كه‌مال، هه‌واره‌به‌رزه‌، گۆیژه‌ی تازه‌ی2، تووی مه‌لیكی7)

مه‌ڵبه‌ندی دوو یان 262
بریتیه‌ له‌ گه‌ڕه‌كه‌كانی( ئیبراهیم پاشا، ئیبراهیم ئه‌حمه‌د، ئازادی2، مامه‌یاره‌، مه‌ڵكه‌ندی، گۆیژه‌ی تازه‌ی1، تووی مه‌لیكی2 )،

مه‌ڵبه‌ندی سێ یان 263
بریتیه‌ له‌ گه‌ڕه‌كه‌كانی(ئیسكان، مه‌جیدبه‌گی1، مه‌جیدبه‌گی2، هه‌واری تازه‌، سلێمانی تازه‌، تووی مه‌لیكی1، تووی مه‌لیكی3 )

مه‌ڵبه‌ندی چوار یان 264
 بریتیه‌ له‌ گه‌ڕه‌كه‌كانی( كارێزه‌وشك، مامۆستایان، ئاشتی ، كه‌ڵه‌كن)،

مه‌ڵبه‌ندی پێنج یان 265
بریتیه‌ له‌ گه‌ڕه‌كه‌كانی( زه‌رگه‌ته‌، زه‌رگه‌ته‌ی كۆن، شه‌هیدانی زه‌رگه‌ته‌، شێخ قادری چوێسه‌، به‌رانان، رازاوه‌، كوردسات)،

مه‌ڵبه‌ندی شەش یان 266
بریتیه‌ له‌ گه‌ڕه‌كه‌كانی( كانێسكان، مه‌ڵكه‌ندی1، شێخان، گۆیژه‌ی كۆن، شێخ محێدین1، شۆڕش، كاره‌بای1، كاره‌بای2 )،

مه‌ڵبه‌ندی حەوت یان 267
بریتیه‌ له‌ گه‌ڕه‌كه‌كانی(خه‌بات، حاجی ئاوا، هۆمه‌ره‌ كوێر، سه‌یوان، ده‌رگه‌زێن، زێڕینۆك، محمد مصطفی ) .

مه‌ڵبه‌ندی هەشت یان 268
بریتیه‌ له‌ گه‌ڕه‌كه‌كانی(سه‌رشه‌قام، چوارباخ، شاره‌وانی، شێخ فه‌تاح، شێخ عه‌باس، وڵوبه‌، جوله‌كان، چوارچرا، كه‌نه‌سووره‌، كانی گۆمه‌، قه‌ره‌تۆغان )،

مه‌ڵبه‌ندی نۆ یان 269
بریتیه‌ له‌ گه‌ڕه‌كه‌كانی( به‌ختیاری، رزگاری، كارگه‌ی جگه‌ره‌، ئاسایش، ئابڵاغ، سه‌ربه‌رزی، پیرشێخ، شێخ محێدین2 )،

مه‌ڵبه‌ندی دە یان 270
بریتیه‌ له‌ گه‌ڕه‌كه‌كانی( سه‌رچنار، شه‌هیدانی سه‌رچنار، گردی سه‌رچنار، قلیاسان، كارگه‌ی شه‌كر، به‌کرەجۆ، تاسڵوجه‌، ڕاپه‌ڕین ، عه‌واڵ، كۆسه‌ی چه‌م، كانی كورده‌، كانی سپیكه‌، ئاوباره‌، تاڤگه‌، فه‌رمانبه‌ران، هه‌واری شار، مه‌عسكه‌رسه‌لام، قوله‌ڕه‌ئیسی).

جێی ئاماژەیە ناردنی 50 ملیۆن لیتر نەوت لەلایەن وەزارەتی نەوتی عیراقەوە بۆ هەرێمی کوردستان لەسەر داوای فراکسیۆنی یەکێتی لە ئەنجومەنی نوێنەرانی عیراق بوەو هەرێم کەمال ئاغا سەرۆکی فراکسیۆنی یەکێتی لە ئەنجومەنی نوێنەرانی عیراق پێشتر بۆ PUKMEDIA ئەوەی پشتڕاستکردبۆوە کە ناردی نەوت لەلایەن عیراقەوە بۆ هەرێم لەسەر داوای ئەوان بووە.

لەئێستادا نرخی 200 لیتر نەوت (یەک بەرمیل) لە بازاڕەکانی هەرێمی کوردستاندا زیاتر لە 300 هەزار دینارە و هاووڵاتیان توانای کڕینیان نییە، بۆیە رۆژانە بە دەبە نەوت دەکڕن.

PUKMEDIA 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket