riklam

د. هەڤاڵ ئەبوبەکر: كۆڕبەندی ستراتیجیی سلێمانی بەستنەوەی شارەکەمانە بە جیهانەوە

کوردستان 04:26 PM - 2026-11-10
د. هەڤاڵ ئەبوبەکر PUKMEDIA

د. هەڤاڵ ئەبوبەکر

رۆژی پێنجشەممە كۆڕبەندی ستراتیجیی سلێمانی بەڕێوەدەچێت و لەبارەیەوە پارێزگاری سلێمانی دەڵێت: كۆڕبەندی ستراتیجیی سلێمانی بەشێکی گرنگە لە دروستکردنی ئەو پرد و رایەڵە و پەیوەندییان لەنێوان پارێزگای سلێمانی و جیهان و بەڵگەیە لەسەر سەقامگیری و ئارامی و ئاسایش و بوژانەوەی ئابوری لەم ناوچەیە.

وابڕیارە لە ڕۆژانی 12 و 13ـی تشرینی دووەم كۆڕبەندی ستراتیجیی سلێمانی بەڕێوەبچێت و لەو بارەیەوە د.هەڤاڵ ئەبوبەکر پارێزگاری سلێمانی رایگەیاند: بەڕێوەچوونی كۆڕبەندی ستراتیجیی سلێمانی بەشێکی گرنگە لە دروسکردنی پرد و پەیوەندی بەتایبەت لەم کاتەدا کەهەرێمەکەمان و جیهانیش لە بارودۆخێکی نائاسایدایە لەرووی سیاسی و ئابوری ئەمنی و کۆمەڵایەتییەوەو پێویستی بە راوێژی ناوخۆی و نێودەوڵەتی و تێگەیشتنە لە ئاڕاستە جیاوازەکان، بۆ ئەوەی کەهەنگاوی راست بنێین، جگە لەوەش سلێمانی ببەستینەوە بە ناوەندە نێودەوڵەتییەکانەوە و پرد و پەیوەندییان لەگەڵ هەرێم و پارێزگاکەماندا هەبێت.

وتیشی: بەڕێوەچوونی ئەم کۆڕبەندە لەکاتێکی هەستیاری وەک ئێستادا بەڵگەیە لەسەر سەقامگیری و ئارامی و ئاسایش و بوژانەوەی ئابور بۆ ئەوەی بتوانین ئەم بارودۆخانە بەشێوەیەکی لۆژیکیانە لەسەر بنەمای ئەمری واقیع و بنەمای گەشەکردن و پەرەپێدانی زیاتر بونیادبنێینەوە.

ئەوەشی وت: ئومێدەکەم دیدارەکە بتوانێت ئامانج و بەرنامەکانی خۆی بپێکێت و بگات بەو بنەما گرنگانەی کە بۆ ئامانجەکانی دیاریکردووە.

كۆڕبەندی ستراتیژی سلێمانی

كۆڕبەندی ستراتیژی سلێمانی وەك یەكێك لە گرنگترین ڕووداوە دیپلۆماسی و ستراتیژییەكان لە شاری بەڕێوەدەچێ و لیژنەیەكی ڕاوێژكاری نێودەوڵەتی بەهێز لەخۆدەگرێت كە كەسایەتییە ناسراوەكانی جیهان و ناوچەكە كۆدەكاتەوە، لەوانە:

ئەم كۆڕبەندە دەبێتە سەكۆیەكی گرنگ بۆ گۆڕینەوەی بیروڕا و داڕشتنی نەخشەڕێگایەك بۆ ڕووبەڕووبوونەوەی قەیرانەكان و هێنانەدی ئاشتی و سەقامگیری بەردەوام لە ناوچەكەدا.

لە كۆڕبەندەكەدا كە بەچاودێری راستەوخۆی قوباد تاڵەبانی دەبێت, چەندین پانێڵی گرنگ سەبارەت بە ئاستەنگە ستراتیژییەكانی خۆرهەڵاتی ناوەڕاست، لەئاسایشی ناوچەكە و جیهان، گەشەپێدانی ئابوری و دۆزینەوەی هەلی نوێی وەبەرهێنان و دیپلۆماسیەت و بەهێزتركردنی پەیوەندییەكان و سەقامگیری ناوچەیی لەڕێگەی گفتوگۆی باڵاوە سازدەكرێت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket