Şêx Cefer Şêx Mistefa serdana melbenda rêxistinî ya Silêmaniyê dike

Nûsînegeha ragihandinê

Wêneyê Civînê

Îro Şemiyê 10ê Cotmehê 2026an, Berpirsê Encûmena Parastina Berjewendiyên Bilind ê Yekîtiya Niştimanî ya Kurdistanê, Şêx Cefer Şêx Mistefa, serdana Melbenda (1) ya Rêxistinî ya Silêmaniyê kir û ji aliyê endamê Mekteba Siyasî û serpereştiyarê Melbendên Silêmaniyê û Çemçemalê Serkewt Zekî, û endamên encûmena rêveberiya melbendê ve bi germî hate pêşwazîkirin.

Di dîdarê de, ronahî hate xistin ser rola sazî û organên cuda ên Yekîtiya Niştimanî ya Kurdistanê û hemahengiya berdewam, ji bo bidestxistina armanc û cîbicîkirina siyasetên YNKê. Her wiha behsa guhertinên nava organên hizb û awayê pêşvebirina organan û geşepêdana erkan hat kirin. Di wê derbarê de jî Berpirsê Encûmenê tekezî li ser giringiya guhertinan kir bi awayekê ku bersivdarê vê qonaxa karê hizbî bin.

Her wiha pesnê têkoşîna tevahiya kadroyên melbendê da ku di qonaxa derbasbûyî de roleke berbiçav hebû di serxistina bername û planên niştimanî yên Yekîtiya Niştimanî ya Kurdistanê de û tekez kir li ser xebitandina şiyan û sûdwergirtina ji ezmûna wan di xebata rêxistisazî de.

Her wiha Şêx Çefer Şêx Mistefa, piştgiriya xwe û ya Encûmena Parastina Berjewendiyên Bilind ji bo serxistina karên melbendê dubare kir û da xuyakirin ku avahî û hola civînan û tevahiya beşên encûmenê vekirî ne li ber destê kar û çalakiyên hevalên melbendê.

Di hember de Serkewt Zekî û hevalên melbendê spasiya piştgiriya hertimî ya Berpirsê Encûmenê kirin ji bo Melbenda Rêxistinkirina Silêmaniyê û tevahiya organên din ên Yekîtiya Niştimanî ya Kurdistanê.

PUKMEDIA