Zanîngehên Rojava piştgîriya Tora Cîhanî ya Zanyaran bilind nirxand

Taybet

Logoyên Zanîngehên Rojava

Rêveberiya Zanîngehên Rojava bi peyamekê piştgiriya akademîk a navneteweyî ya Tora Cîhanî ya Zanyaran û hewldanên wan yên ji bo gihandina dengê saziyên Rojavayê Kurdistanê û parastina mafê gelê kurd di perwerdehiya bi zimanê dayikê de bilind nirxandin.

Eve jî naveroka Peyamê ye:

Ji Rêveberiya Zanîngeha Rojava ji bo Tora Cîhanî ya Zanyaran
Dost, heval û Akademîsyenên Hêja,
Rêveberiya Zanîngeha Rojava, li ser navê hemû xebatkar, mamoste û xwendekaran, spasiyên xwe yên ji dil pêşkêşî ked û hewldanên we yên dilsozane û helwestên we yên birêz û mirovane dike, yên ku cewherê rastîn ê peyama akademîk û mirovî ya giştî diyar dikin.

Ev piştgiriya akademîk a navneteweyî ya ku hûn pêşengiya wê dikin û hewldanên we yên ji dil ji bo gihandina dengê saziyên me, parastina mafê gelê me di perwerdehiya bi zimanê dayikê de û parastina xweseriya akademîk û azadiya zanînê, piştgiriyeke rastîn û çavkaniyeke îlhamê ye ji bo berdewamkirina rêwîtiya me ya perwerdehiyê tevî hemû dijwarî û şert û mercên awarte.
Asta rola we ya çalakiya azad di qadên akademîk ên navneteweyî de em bilind dinirxînin û em ji we re tekez dikin ku hevkariya we ya bi me re ew hêz e ku em xwe radispêrinê ji bo avakirina paşerojeke akademîk a berfireh û demokratîk ku li ser bingeha zanist, zanîn û rûmetê hatiye avakirin.

Li gel rêz û silavan
Rêveberiya Zanîngeha Rojava

PUKMEDIA