ئاسایشی هەرێم: بە پێنج موشەک هێرشکرایە سەر زڕگوێزەڵە، سیروان و قەرەداغ

PUKMEDIA

لۆگۆی دەزگای ئاسایشی هەرێم

دەزگای ئاسایشی هەرێم ڕایگەیاند، بەرەبەیانی ئەمڕۆ بە پێنج موشەک هێرشکرایە سەر چەند ناوچەیەک لە سنووری زڕگوێزەڵە، سیروان و قەرەداغ، هێرشەکان هیچ زیانێکی گیانی نەبووە و داوا لە هاووڵاتیان دەکات لەپێناو پاراستنی سەلامەتیان لە دوای هێرشەکان نزیکی شوێنەکان نەبنەوە و دەستکاری پارچە و پاشماوەکانی موشەک و درۆن نەکەن.

دەزگای ئاسایشی هەرێم ڕایدەگەیەنێت، سەعات (03:10) دەقیقەی بەیانی رۆژی دووشەممە 14ى9ى2026 بە(پێنج) موشەک هێرشکرایە سەر ئەم ناوچانە.

1-بە(سێ) موشەک هێرشکرایە سەر زڕگوێزەڵە.
2-(یەک) موشەک لە نزیک گوندی گورگەچیا سەر بەناحیەی سیروان کەوتووەتە خوارەوە.
3-(یەک) موشەک لە نێوان گوندەکانی داری زاین و میراسی خواروو لە قەرەداغ کەوتووەتە خوارەوە.

ئاماژەى بە ئەوەشداوە: لە ئەنجامی هێرشەکاندا هیچ زیانێکی گیانی نەبووە و بەپێویستی دەزانین، داوا لەهاووڵاتیان بکەین لەدوای هێرشەکان نزیکی شوێنەکان نەبنەوە و دەستکاری پارچە و پاشماوەکانی موشەک و درۆن نەکەن لەپێناو پاراستنی سەلامەتیان.


PUKMEDIA