سەرۆک بافڵ: پێویستە وڵات لە ململانێ سیاسییەکان دووربخەینەوە

نوسینگەی رۆژنامەوانی سەرۆک بافڵ

بافڵ جەلال تاڵەبانی و محەمەد شیاع سودانی

بافڵ جەلال تاڵەبانی سەرۆکی یەکێتیی نیشتمانیی کوردستان لە بەغداد لەگەڵ محەمەد شیاع سودانی سەرۆکی هاوپەیمانیی ئاوەدانکردنەوە و گەشەپێدان کۆبووەوە. 

لە دیدارێکدا کە د. خالید شوانی، سەرپەرشتیاری مەکتەبی سیاسی لە بەغداد ئامادەبوو، جەخت لە پێویستیی بەردەوامیی هەماهەنگی نێوان لایەنەکان، لەپێناو زاڵبوون بەسەر ئاڵنگارییە سیاسی و ئابوورییەکان و پاراستنی سەقامگیریی وڵات کرایەوە. 

سەرۆک بافڵ دووپاتی لە سەرخستنی هەوڵە نیشتمانییەکان بۆ دوورخستەوەی وڵات لە ململانێکان کردەوە و وتی، ئەرکی هەموو لایەکمانە لە چوارچێوەی پاراستنی بەرژەوەندییە باڵاکان لەم دۆخەدا هاوکاریی حکومەتی عیراق بین تاوەکو پایەکانی دەوڵەتداریی بەهێزبکەین.

PUKMEDIA