لیستی مووچەو تەرازووی پێداچوونەوە رادەستی دارایی عیراق كرا

PUKMEDIA

دراوی عیراقی

وەزارەتی دارایی و ئابووری لیستی مووچەی ئاب و تەرازووی پێداچوونەوەی مانگی تەمووزی رادەستی وەزارەتی دارایی عیراق كرد.

وەزارەتی دارایی و ئابووری حكومەتی هەرێم رایگەیاند: ئەمڕۆ یەكشەممە 23ی ئابی 2026، تیمی تەكنیكی وەزارەتی دارایی و ئابووریی حكومەتی هەرێمی كوردستان، بەڕەسمی لیستی مووچەی مانگی ئابی فەرمانبەران و مووچەخۆرانی هەرێمی كوردستانی رادەستی فەرمانگەی ژمێریاری لە وەزارەتی دارایی حكومەتی فیدراڵ كرد.

ئاماژەی بەوەشكرد: هاوكات لەگەڵ لیستی مووچەكەدا، راپۆرتی تەرازووی پێداچوونەوەی دارایی تایبەت بە خەرجی و داهاتەكانی (مانگی تەمووزی 2026) ڕادەستی لایەنی پەیوەندیدار لە وەزارەتی دارایی عیراق كراوە، بە ئامانجی وردبینیكردن و خێراكردنی پڕۆسەی دابینكردنی شایستە داراییەكانی مووچەخۆرانی هەرێمی كوردستان.

PUKMEDIA