لەڕووداوێكی تەقەكردندا هاووڵاتییەك گیانی لەدەستدا

PUKMEDIA

راگەیاندنی پۆلیسی سلێمانی

هاووڵاتییەك لەڕووداوێكی تەقەكردندا لەسەر شەقامی مەلیك مەحمود گیانی لەدەستداو پۆلیسی سلێمانیش دەستی بە لێكۆڵینەوە كردووەو رایدەگەیەنێت: هیچ تۆمەتبارێك لەلێپرسینەوەی یاسایی رزگاری نابێت.

بەڕێوەبەرایەتی پۆلیسی پارێزگای سلێمانی رایگەیاند: سەعات 10 ئاگاداركراین بەبوونی رووداوێكی تەقەكردن لەسەر شەقامی مەلیك مەحمود كە بەهۆیەوە هاوڵاتییەك بەناوی (چۆمان عوسمان حسێن) لەدایكبووی ساڵ 1981 گیانی لەدەستداوە.

ئەوەشی راگەیاند: دوای گەیشتنی مەفرەزەكانی بەڕێوەبەرایەتیمان لەسەر بڕیاری دادوەر فەرمانی دەستگیركردن بۆ تۆمەتبارانی ئەم ڕووداوە دەرچووە و گەڕان بەدوای تۆمەتباراندا بەردەوامە.

پۆلیسی سلێمانی ئاماژە بەوەشدەكات: هاووڵاتیانی شاری سلێمانی دڵنیا دەكەینەوە كەهیچ تۆمەتبارێك لە دادگاو لێپرسینەوەی یاسایی رزگاری نابێت.

PUKMEDIA