لە خانەقین بەهۆی شەڕی دوو بنەماڵەوە دوو کەس کوژران

PUKMEDIA

پردی ئەڵوەند لە خانەقین

ئەمڕۆ 12ی8ی2026، لە گوندێکی سنووری خانەقین، بەهۆی شەڕی دوو بنەماڵەوە، دوو کەس کوژران و کەسێکی دیکەش بریندار بوو، هێزە ئەمنییەکانیش دەستیان بە لێکۆڵینەوە لە رووداوەکە کردووە


د. شوان شاکر، بەڕێوەبەری نەخۆشخانەی خانەقین، راگەیاند: لە گوندی 'مەعدانەکان'ـی رۆژئاوای خانەقین، بەهۆی شەڕی دوو خێزانەوە، دووکەس کوژراون و کەسێکی دیکەش برینداربوو.
بەڕێوەبەری نەخۆشخانەی خانەقین ئاماژەی بەوەشدا: کوژراوەکان کچێکی تەمەن 15 ساڵ و ئەوی دیکەش پیاوێکی تەمەن 40 ساڵە و بەڕەگەز عەرەبن.

تەرمی هەردوو کوژراوەکە، رەوانەی پزیشکی داد کراوە و بریندارەکەش لەژێر چاودێریدایە.

تاوەکو ئیستا هۆکاری شەڕەکە ئاشکرا نەکراوە، بۆیە هێزە ئەمنییەکان بە گەیشتنیان بە شوێنی رووداوەکە، دەستیان بە لێکۆڵینەوە کردووە.

PUKMEDIA