یەکێتی و کۆریای باشوور تەئکید لەپتەوکردنی پەیوەندییەکانیان دەکەنەوە

تایبەت

دارا خەیلانی و ئیوون-گیۆ شیم

ئەمڕۆ، دووشەممە 10ی8ی2026، دارا خەیلانی ئەندامی سەرکردایەتی و لێپرسراوی پەیوەندییەکانی دەرەوە، سەردانی  ئیوون-گیۆ شیم، کونسوڵی گشتی کۆماری کۆریای باشوور لە هەرێمی کوردستان کرد.

لە دیدارەکەدا، بارودۆخی هەرێمی کوردستان و عیراق و ناوچەکە، هەروەها ڕێگاکانی پتەوکردن و فراوانکردنی پەیوەندییەکان لەنێوان هەرێمی کوردستان و کۆماری کۆریای باشوور تاوتوێ کران.

هەر لە دیدارەکەدا گرنگیی دەرفەتەکانی وەبەرهێنان لە هەرێمی کوردستان و ڕۆڵی کۆمپانیا و وەبەرهێنەرە کۆرییەکان لە بەشداریی زیاتر لە پرۆژە و بوارە ئابوورییەکانی هەرێم، بە تایبەتی باسکران و گفتوگۆیان لەسەر کرا، لە کۆتایی دیدارەکەشدا، هەردوولا جەختیان لەسەر گرنگیی بەردەوامبوونی هەماهەنگی و گفتوگۆ و دروستکردنی دەرفەتی نوێ بۆ بەهێزکردن و پتەوکردنی پەیوەندییە دوولایەنەکان و گەشەپێدانی هاوکارییەکان لە بوارە جۆراوجۆرەکاندا کردەوە.

PUKMEDIA