ڕفعەت عەبدوڵاو د.محەمەد سابیر: مێژووی سەرۆك مام جەلال دۆكیۆمێنت بكرێت

راگەیاندنی جێگری سەرۆكی یەكێتی

سەردانی سەرۆكی دامەزراوەی سەرۆك جەلال تاڵەبانی بۆ مەكتەبی سیاسیی یەكێتی

رۆژی 9ی ئابی 2026، ڕفعەت عەبدوڵا، جێگری سەرۆكی یەكێتیی نیشتمانیی كوردستان، پێشوازی لەباڵیۆز د. محەمەد سابیر، سەرۆكی دامەزراوەی سەرۆك جەلال تاڵەبانی و وەفدێكی یاوەری كرد.

لەدیدارەكەدا كەهەریەك لەیوسف زۆزانی تێكۆشەری دێرین و ستران عەبدوڵا لێپرسراوی سكرتاریەتی مەكتەبی سیاسی ئامادەیبوون، هەردوولا جەختیان كردەوە دۆكیۆمێنتكردن و كۆكردنەوەی مێژووی دەوڵەمەندو جیهانبینی سەرۆك مام جەلال و پاراستن و ئەرشیفكردنی پێویستییەكی گرنگە بۆ ئەوەی وەبەرهێنان لەدونیابینی و سەرمایە مێژووییە بەنرخەكەیدا بكرێت.

هاوكات سەرۆكی دامەزراوەی سەرۆك جەلال تاڵەبانی ئەم سەردانەی بە گرنگزانی بۆ ئاڵوگۆڕی ئەزموون و بیرۆكە لەبواری رۆشنبیری، كولتووری، كۆمەڵایەتی، هۆشیاریی كۆمەڵگە و ژینگە.

 لە بەشێكی دیكەی دیدارەكەدا جێگری سەرۆكی یەكێتی ئامادەیی و هاوكاریی خۆی و یەكێتیی نیشتمانیی كوردستانی بۆ پەرەپێدانی دامەزراوەكە دەربڕی و دامەزراوەكەشی بە پێویستی و گرنگییەكی ئەم قۆناغە وەسف كرد و  سوپاس و پێزانینی خۆیانی بۆ كارەكانی رابردووی دامەزراوەكە دەربڕی.

PUKMEDIA