پرۆژەیاسای بەهێزكردنی پشتیوانی نیشتمانی و یەكگرتنی كۆمەڵایەتی پەسەندكرا

AA

پەڕلەمانی تورکیا

لیژنەی داد لە پەرلەمانی توركیا رەشنووسی پرۆژەیاسای بەهێزكردنی پشتیوانی نیشتمانی و یەكگرتنی كۆمەڵایەتی پەسەندكرد و رەوانەی سەرۆكایەتی پەرلەمانی كرد.

دوای گفتوگۆكردن لەسەر رەشنووسی پرۆژەیاسای بەهێزكردنی پشتیوانی نیشتمانی و یەكگرتنی كۆمەڵایەتی بۆ ئاشتی لە توركیا و باكوری كوردستان، لیژنەی داد لە پەرلەمانی توركیا بە زۆرینەی دەنگ رەشنووسەكەی پەسەندكرد و رەوانەی سەرۆكایەتی پەرلەمانی توركیای كرد بۆئەوەی بخرێتە بەرنامەی كاری دانیشتنەكانی داهاتوو و دەنگی لەسەر بدرێت.

هاوکات، لە گفتوگۆکانی پەسەندکردندا، پەرلەمانتاری دەم پارتی دیلان کونت ئایان، داوای گۆڕانکاری لە ماددەی چوارەمی پرۆژەیاساکەدا کرد و جەختی لە پێویستی بەشداری ژنان کرد لەو لیژنانەی کە بۆ جێبەجێکردنی پرۆژەیاساکە دادەمەزرێن.

بە پەسەندكردنی رەسنووسی پرۆژەیاسای چوارچێوە، پرسی کورد دەچێتە قۆناغێكی نوێ‌ و کە ئێستا لە یەكێك لە قۆناغە مێژووییەكاندایە كە پرسی كوردی زیاتر لە سەدەیەك و قۆناغی ململانێی زیاتر لە 40 ساڵ لە زەمینەی توندوتیژییەوە دەگوازێتەوە بۆ زەمینەی یاسایی و سیاسی.