به‌شی فارسی و توركی له‌ PUKMEDIA ده‌كرێنەوە

PUKMEDIA

مەراسیمی کردنەوەی بەشی فارسی و توركی له‌ PUKMEDIA

له‌هه‌وڵێكی نوێدا وێبسایتی ره‌سمی یه‌كێتیی نیشتمانیی كوردستان (PUKMEDIA) به‌شی فارسی و توركی كرده‌وه‌و به‌م هه‌نگاوه‌ش له‌ئێستادا وێبسایته‌كه‌ به‌ زمانه‌كانی ( كوردی سۆرانی، كوردی كرمانجی، عه‌ره‌بی، ئینگلیزی، فارسی، توركی) په‌خشی هه‌واڵ و زانیارییەكانی ده‌كات، هاوكات له‌ماوه‌یه‌كی نزیكیشدا به‌شی رووسی ده‌كاته‌وه‌.

هه‌واڵ و هه‌ڵوێسته‌ ره‌سمییه‌كانی یه‌كێتیی نیشتمانیی كوردستان له‌م سه‌كۆ میدیاییه‌وه‌ بڵاوده‌بێته‌وه‌ كه‌ به‌وپه‌ڕ‌‌ی پرۆفیشناڵی و پشتبه‌ستن به‌سه‌رچاوه‌و راستی و متمانه‌ و رێزگرتن له‌خوێنه‌رانی كاره‌ میدیاییه‌كانی ده‌كات و به‌رهه‌مهێنانی میدیایی له‌ راپۆرت و هه‌واڵ و ژانره‌كانی دیكه‌دا پێشكه‌ش ده‌كات.

وێبسایتی PUKMEDIA له‌ رۆژی ٢٢-١-٢٠٠٣ به‌ بڕ‌‌یارێكی مه‌كته‌بی راگه‌یاندنی یه‌كێتیی نیشتمانیی كوردستان ده‌ستی به‌كاركردن كردو تائێستاش به‌رده‌وامه‌، سه‌ره‌تا به‌ زمانه‌كانی كوردی و عه‌ره‌بی، پاشان چه‌ند زمانێكی دیكه‌ی بۆ زیادكرا.

ئێستا PUKMEDIA له‌وه‌رزی نوێی كاركردنیدایه‌، وه‌ك سه‌رچاوه‌ی باوه‌ڕ‌‌پێكراوی ره‌سمی هه‌واڵ و هه‌ڵوێستی یه‌كێتیی نیشتمانیی كوردستان به‌ زمانه‌كانی (كوردی /سۆرانی/ كرمانجی، عه‌ره‌بی، ئینگلیزی، فارسی، توركی) بڵاوده‌كاته‌وه‌، هاوكات به‌شێوه‌زاری بادینی-یش په‌یجی فه‌یسبوكی هه‌یه‌، ئه‌مه‌ جگه‌ له‌ئه‌وه‌ی له‌ تۆڕه‌كۆمه‌ڵایه‌تییه‌كانی وه‌ك (یوتیوب و ئنیستاگرام و ئێكس و فه‌یسبوك و تلگرام) په‌یج و جه‌ناڵی تایبه‌ت به‌خۆی هه‌یه‌.

PUKMEDIA پێشتریش له‌كاتی دامه‌زراندیدا قۆناغه‌كه‌ یارمه‌تیده‌ری بوو كه‌ ببێته‌ سه‌رچاوه‌یه‌كی باشی رووداوه‌كانی پرۆسه‌ی ئازادی عیراق، به‌تایبه‌ت سه‌رجه‌م ئاژانسه‌ عه‌ره‌بی و جیهانییه‌كان پشتیان پێ ده‌به‌ست و هه‌واڵ و زانیارییه‌كانیان وه‌رده‌گرته‌وه‌، له‌ئێستاشدا به‌وپه‌ڕی راستگۆیی و متمانه‌ییه‌وه‌ درێژه‌ به‌كاره‌كانی ده‌دات و زمانحاڵی یه‌كێتیی نیشتمانیی كوردستانه‌.

PUKMEDIA