رفعەت عەبدوڵا: داوای دانپێدانانی نێودەوڵەتی بە جینۆسایدی ئێزدییەكان دەكەین

PUKMEDIA

رفعەت عەبدوڵا، جێگری سەرۆكی یەكێتیی نیشتمانیی كوردستان

لە یادی جینۆسایدی كوردانی ئێزدی لە شەنگال، رفعەت عەبدوڵا، جێگری سەرۆكی یەكێتیی نیشتمانیی كوردستان، پەیامێكی بڵاوكردەوەو رایگەیاند: سەری ڕێز و شكۆ بۆ قوربانیان دادەنەوێنین و جەخت دەكەینەوە كە خزمەتكردنی ئێزدییەكان و بەدەستهێنانی دانپێدانانی نێودەوڵەتی بە جینۆسایدەكەیان، ئەركێكی نیشتمانی و مرۆییە.

دەقی پەیامەكە:

سەری ڕێزو شكۆ دائەنوێنین بۆ سەرجەم قوربانیانی جینۆسایدكردنی كوردانی ئێزیدی لەشەنگال، كەبەدەستی (تیرۆریستانی دا*ع*ش) بۆ سڕینەوەی ناسنامەی نەتەوەیی و ئایینی ئێزدییەكان بەشێوەیەكی دڕندانە ئەنجامدرا.

تیرۆریستان هەموو ئامڕازو ڕێگەیەكی دژ بە بەها ئایینی و مرۆڤایەتییەكانیان گرتەبەر بۆ تێكدانی دیمۆگرافیاو فەرهەنگی پێكەوە ژیان و ئایینی هەزاران ساڵەی ناوچەكە، بەڵام جوامێرو بەجەرگەكانی ئێزدییانی شەنگال و دەورووبەری وەك هەمیشە، بەرگرییان لەمرۆڤایەتی و پێكەوە ژیان و كلتوری یەكتر قبوڵكردن كرد.

 لەم یادەدا، داوای دانپێدانانی نێودەوڵەتی جینۆسایدی ئێزدییەكان دەكەین و پشتیوان و پارێزەریانین و خزمەتكردنیان ئەركێكی نیشتمانی و مرۆیی هەمووانە. 

دروود بۆ گیانی قوربانیانی ئێزدییەكان�روو ڕەشی بۆ تیرۆریستان

ڕفعەت عەبدوڵا
جێگری سەرۆكی یەكێتیی نیشتمانیی كوردستان

PUKMEDIA