وەفدێکی یەکێتی پیرۆزبایی سەرۆك بافڵ و سەرکردایەتی یەکێتییان گەیاندە ئێزدییەکان

مەڵبەندی حەوتی نەینەوا

وەفدێکی یەکێتی پیرۆزبایی لە ئێزدییەکان دەکەن

ئەمڕۆ 2ی8ی2026، وەفدێکی یەکێتیی نیشتمانیی کوردستان بەسەرۆکایەتی ئاراس محەمەد ئاغا، ئەندامی سەرکردایەتی و لێپرسراوی مەڵبەندی حەوتی نەینەوا بە یاوەری بەسمان نافخۆش ئەندامی ئەنجومەنی نوێنەرانی عيراق و ویسام سالم ئەندامی ئەنجومەنی پارێزگای نەینەوا و بەرپرسی کۆمیتەکانی بەعشیقە و شێخان و ئەلقوش ، بەشداریکرد لە جەژنی چلەی هاوینی ئێزدییەکان.

وەفدەکە قەزای شێخان و ناحیەکانی بەعشیقە و بەحزانی و ئەلقوش بەسەرکردەوە، لە لایەن سەماحەتی بابەشێخ و خانەوادەی بابە شێخی رەحمەتی و گەورەپیاوان و قەواڵ و کەسایەتی ئێزیدییەکان پێشوازیکران.

وەفدی یەکێتی پیرۆزبایی سەرۆك بافڵ، سەرۆکی یەکێتیی نیشتمانیی کوردستان و سەرکردایەتی یەکێتییان گەیاندە خوشك و برا ئێزدییەکان و ھیوایان خواست ھەمیشە لە جەژن و خۆشیدابن.

لە کۆتایشدا، وەفدەکەی یەکێتی سەردانی ژمارەیەك خانەوادەی شەهیدان و کادرانی یەکێتییان کرد.

PUKMEDIA