دوا مۆڵه‌تی ناونوسین بۆ ئەنجامدانى حەج لە هەرێمی کوردستان راگەیەندرا

راگەیاندنى بەڕێوەبەرایەتى حەج و عومرە

وێنەیەکى کاتى ئەنجامدانى پرۆسەى عومرە

ئەمڕۆ لە هەرێمى کوردستان دوا وادەى ناونوسین بۆ ئەنجامدانى پڕۆسەى حەجى ساڵى 2027 راگەیەندرا و وته‌بێژی حه‌ج و عومره‌ی كوردستان بە PUKMEDIA ی راگەیاند: " رۆژی چوارشەممە 5ی8ی2026 سەعات 12ی شه‌و ناونوسین بۆ ئەنجامدانى پڕۆسەى حەج کۆتایى دێت و لە ئێستادا هیچ بڕیارێک نییە بۆ درێژکردنەوەى وادەى ناو تۆمارکردن.

كاروان ستونی وته‌بێژی حه‌ج و عومره‌ی كوردستان بە PUKMEDIA ی راگەیاند: "تاوه‌كو ئه‌مڕۆ زیاتر له‌ 45 هه‌زار داواكاری له‌لایه‌ن هاووڵاتییانه‌وه‌ بۆ ئه‌نجامدانی حه‌ج تۆمار كراون، پڕۆسه‌كه‌ش له‌ سەرجەم شار و ئیدارە سەربەخۆکان بە شێوەیەکی ئاسایی بەردەوامە".

کاروان ستونی جه‌ختی له‌سه‌ر كاتی کۆتایی هاتنی پڕۆسه‌كه‌ كرده‌وه‌ و وتی: "رۆژی چوارشەممە 5ی8ی2026 سەعات 12ی شه‌و، دوا مۆڵه‌ته‌ بۆ ناونووسین و داوا له‌ هاووڵاتییان ده‌كه‌ین كه‌ تاوەکو کاتی دیاریکراو ناوی خۆیان تۆمار بکەن، چونكه‌ هیچ بڕیارێک نیە ناونووسین درێژ بکرێتە‌وه‌".

PUKMEDIA