دەزگای ئاسایشی هەرێم دەستگیركردنی دوو تیرۆریستی داعش رادەگەیەنێت

PUKMEDIA

لۆگۆی دەزگای ئاسایش و دەزگای ئاسایشی نیشتمانی عیراق

بەڕێوەبەرایەتی گشتی ئۆپراسیۆنەكانی ئاسایش بەهەماهەنگی لەگەڵ دەزگای ئاسایشی نیشتمانی عیراق، توانییان دوو تیرۆریستی داواکراو لەسنووری پارێزگای سلێمانی دەستگیربکەن و دەزگای ئاسایشی هەرێمیش رایدەگەیەنێت: بۆ تەواوکردنی ڕێکارەکانی لێکۆڵینەوە ڕادەستی دەزگای ئاسایشی نیشتمانی عیراق کران.

بەپێی راگەیەندراوێکی دەزگای ئاسایشی هەرێم، کە کۆپییەکی بۆ PUKMEDIA نێردراوە، ئاماژەی بەوەکردووە: بەڕێوەبەرایەتی گشتی ئۆپراسیۆنەكانی ئاسایش بەهەماهەنگی لەگەڵ دەزگای ئاسایشی نیشتمانی عیراق، لەسەر بنەمای زانیاری هەواڵگری توانییان دوو تیرۆریستی داعش داواکراو بەپێی ماددەی(٤)تیرۆر کە لەسنووری پارێزگای سلێمانی خۆیان حەشاردابوو دەستگیربکەن.

راشیگەیاند:بەپێی تایبەتمەندی شوێنی تاوان و بەمەبەستی تەواوکردنی ڕێکارەکانی لێکۆڵینەوە هەردوو تیرۆریست لەڕۆژی 28ی7ی2026، ڕادەستی دەزگای ئاسایشی نیشتمانی عیراق کران.

PUKMEDIA