خولی پەرەپێدانی کاری میدیایی بەڕێوەدەچێت

مەڵبەندی دیراساتی گشتی

مەراسیمی دەستپێکردنی خولی پەرەپێدانی کاری میدیایی

ئەمڕۆ 26/7/2026 لە ئەکادیمیای پەروەردە و پەرەپێدانی سەر بە مەڵبەندی دیراساتی گشتی مەراسیمی دەستپێکردنی خولی پەرەپێدانی کاری میدیایی بەڕێوەچوو.

بە ئامادەبوونی د.یوسف گۆران لێپرسراوی مەڵبەندی دیراساتی گشتی، تەحسین نامیق لێپرسراوی ئەکادیمیای پەروەردە و پەرەپێدانی کادیران، زیاد جەبار لێپرسراوی بۆردی رێکخستن، نەجمەدین فەقێ عەبدوڵلا لێپرسراوی بۆردی هۆشیاری، لەتیف نێروەیی لێپرسراوی بۆردی راگەیاندن و کاروان گەزنەیی وتەبێژی یەکێتیی نیشتمانیی کوردستان، مەراسیمی کردنەوەی خولی پەرەپێدانی کاری میدیایی دەستیپێکرد.

لە وتەیەکدا، تەحسین نامیق لێپرسراوی ئەکادیمیای پەروەردە و پەرەپێدانی کادیران، باسی لە قۆناغ و پرۆسەی کردنەوەی خولەکە کرد و وتی: ئامانج کردنەوەی خولەکە بەزرکردنەوەی ئاست و توانای کادیرانمانە لە بواری پەرەپێدانی کاری میدیایی بەتایبەت ئەوانەی کە توانایەکی باشیان لە شیکردنەوە و قسەکردن لەسەر سیاسەت و ستراتیجی یەکێتیی نیشتمانیی کوردستان هەیە. هەروەها سوپاسی مامۆستایانی کرد کە لە پڕۆسەی ئامادەکاری خولەکەدا رۆڵی بەرچاویان گێڕاوە.

هاوکات، د.یوسف گۆران لێپرسراوی مەڵبەندی دیراساتی گشتی لە وتەیەکەدا وتی: گرنگە کادیرانی بەشداربووی ئەم خولە رۆڵی گرنگ لە گەیاندنی پەیامەکانی یەکێتیی نیشتمانیی کوردستاندا بگێڕن و لە داهاتوودا بەشدار بن لە دروستکردنی رایگشتی کۆمەڵانی خەڵکی کوردستان دروست بکەن.

باسی لەوەشکرد، گرنگترین شت بۆ ئێمە ئەوەیە کە سیاسەت و ستراتیجی حزبەکەمان وەک خۆی بگەیەنین.

پاشان کاروان گەزنەیی وتەبێژی یەکێتیی نیشتمانیی کوردستان، باسی لە گرنگی خولەکە کرد و وتی: پەرەپێدانی کادیرانمان لەڕێی ئەم خولانە بایەخی زۆریان لەسەر زیاتر گەیاندنی نەخشەڕێ و سیاسەتی یەکێتی لەناو ئۆرگانەکانی حزب و پاشان لە پەرلەمان و حکومەت دەبێت.

ئەمەش لەکاتێکدایە،خولی پەرەپێدانی کاری میدیایی ماوەی دوو مانگ لە ئەکادیمیای پەروەردە و پەرەپێدانی کادیرانی سەر بە مەڵبەندی دیراساتی گشتی بەردەوام دەبێت و 24 کادیر لە تەواوی شار و شارۆچکەکانی کوردستان بەشدارییان تێدا کردووە.

PUKMEDIA