شێخ جەعفەر پشتیوانيی بۆ چالاكییەكانی دامەزراوەی كەریمی عەلەكە دەردەبڕێت

راگەیاندنی شێخ جەعفەر شێخ مستەفا

سەردانی شێخ جەعفەر شێخ مستەفا بۆ دامەزراوەی كەریمی عەلەكە

ئەمڕۆ یەكشەممە 26ی تەمووزی 2026، شێخ جەعفەر شێخ مستەفا، لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان، هاوڕێ لەگەڵ ژمارەیەك لە هەڤاڵانی ئەنجومەن، سەردانی دامەزراوەی كەریمی عەلەكەی كرد و لەلایەن د. تەها رەسوڵ كەسایەتی نیشتمانی و خاوەنی دامەزراوەكە و شاخەوان سدیق بەڕێوبەری دامەزراوەكە و ستافی كارگێڕییەوە پێشوازیی لێكرا.

لەدیدارێكدا، لێپرسراوی ئەنجومەن، كارو چالاكییەكانی دامەزراوەكەی بەرزنرخاند لە بوارەكانی كەلتووری و رۆشنبیریدا و پشتیوانی تەواوی بۆ دەربڕین.

پاشان، شێخ جەعفەر كتێبی "كڵپەی ژێر خۆڵەمێش" كە بیرەوەرییەكی شیكاریی خۆیەتی، پێشكەش بە د. تەها رەسوڵ كرد، ئەویش وێڕای دەربڕینی خۆشحاڵی خۆی بەسەردانەكە، كۆمەڵێك لە چاپكراوەكانی دامەزراوەكەی بەدیاری پێشكەش بە لێپرسراوی ئەنجومەن كرد.

PUKMEDIA