سه‌عدی پیره‌: داوا له‌ سه‌رۆك بافڵ كراوه‌ به‌شداری كۆبوونه‌وه‌ی لوتكه‌ بكات

PUKMEDIA

سه‌عدی ئه‌حمه‌د پیره‌ ئه‌ندامی مه‌كته‌بی سیاسی یه‌كێتیی نیشتمانیی كوردستان

هه‌وڵه‌كان بۆ پێكهێنانی حكومه‌تی نوێی هه‌رێمی كور دستان به‌رده‌وامیی هه‌یه‌ و ئه‌ندامێكی مه‌كته‌بی سیاسی یه‌كێتیی نیشتمانیی كوردستانیش ده‌ڵێت: حكومه‌تێكی بنكه‌ فراوان به‌بێ یه‌كێتی و پارتی پێكنایه‌ت،‌ هه‌روه‌ها له‌كۆبوونه‌وه‌ی مه‌كته‌بی سیاسیی یه‌كێتیدا داوای له‌ سه‌رۆك بافڵ كرا به‌شداری كۆبوونه‌وه‌ی لوتكه‌ی لایه‌نه‌كان بكات.

سه‌عدی ئه‌حمه‌د پیره‌ ئه‌ندامی مه‌كته‌بی سیاسی یه‌كێتیی نیشتمانیی كوردستان له‌كۆنگره‌یه‌كی رۆژنامه‌وانیدا رایگه‌یاند: مه‌كته‌بی سیاسی یه‌كێتیی نیشتمانیی كوردستان له‌كۆتا كۆبوونه‌وه‌یدا داوای له‌ سه‌رۆك بافڵ كرد، به‌شداری له‌كۆبوونه‌وه‌ی لوتكه‌دا بكات، كه‌ ته‌نها به‌ به‌شداری كه‌سی یه‌كه‌می لایه‌نه‌ سیاسییه‌كان ئه‌نجامده‌درێت.

راشیگه‌یاند: پرسی دواكه‌وتنی ده‌ستبه‌كاربوونی په‌رله‌مان و پێكهێنانی حكومه‌تی هه‌رێم بووه‌ به‌كارێكی نادروست بۆ میلله‌ته‌ نیشتمانپه‌روه‌ره‌كه‌مان، هه‌ر بۆیه‌ یه‌كێتی وه‌ك حزبێكی سه‌ره‌كی پێكهێنانی حكومه‌ت نابێت گوێ له‌بیانووی لایه‌نه‌كانی تر بگرێت، به‌ڵكو پێویسته‌ به‌زووترین كات په‌رله‌مان چالاك بكرێت و هه‌رێمی كوردستان حكومه‌تێكی خۆی هه‌بێت.

سه‌عدی ئه‌حمه‌د پیره‌ ئاماژه‌ی به‌وه‌شكرد، له‌سه‌رتاسه‌ری هه‌رێمێكی یه‌كگرتوودا حكومه‌تێكی بنكه‌ فراوان به‌بێ یه‌كێتی و پارتی پێكنایه‌ت، هه‌ربۆیه‌ پێویسته‌ یه‌كێتی و پارتی هه‌م ده‌ست و په‌نجه‌ به‌ زۆر شت نه‌رم بكه‌ن، هه‌م جێگه‌ی لایه‌نه‌ سیاسییه‌كانی تریش له‌حكومه‌ت بكه‌نه‌وه‌.

PUKMEDIA