سەرۆک کۆمار جەخت لەسەر گرنگی پەیوەندی پێکهاتەکانی عیراق دەکاتەوە

راگەیاندنی سەرۆککۆمار

دیدارەکەی سەرۆککۆمار

نزار ئامێدی سەرۆک کۆمار پێشوازیکرد لە وەفدی کەسایەتی سیاسی و کۆمەڵایەتی دەڤەری بادینانی پارێزگای دهۆک.

لە کۆبوونەوەیەکدا کە ئەمڕۆ پێنجشەممە 23-7- 2026 لە کۆشکی بەغداد بەڕێوەچوو ،  باس لە پێشهات و بارودۆخی گشتی وڵات کرا، جگە لەوەی کۆمەڵێک بابەتی گرنگ لەسەر ناوچەکە تاوتوێ کرا. 

سەرۆک کۆمار جەختیکردەوە لەسەر پێویستی چەسپاندنی یەکریزی  نیشتمانی و بەهێزکردنی هاودەنگی لە نێوان هەموو پێکهاتەکانی گەلی عێراق، کە بەشدارە لە پشتیوانیکردنی ئاسایشی کۆمەڵایەتی.

سەرۆک کۆمار  ئاماژەیکرد بە گرنگی پاراستنی یەکگرتوویی و پابەندبوون بە بەهاکانی پێکەوەژیانی هاوبەش و بەرپرسیارێتی نیشتمانی و جەختیکردەوە کە پاراستن و بەهێزکردنی ئەم ڕێبازە زامنی ڕاستەقینە دەکات بۆ ڕووبەڕووبوونەوەی ئاستەنگەکان و پشتیوانیکردن لە پرۆسەی ئاوەدانکردنەوە و چاکسازی.

ئەندامانی وەفدەکە پەرۆشی سەرۆک کۆماریان بەرز نرخاند بۆ پەیوەندی ڕاستەوخۆ لەگەڵ خەڵکی ناوچە جیاوازەکانی عێراق، و گوێگرتن لە بۆچوون و داواکارییەکانیان، هاوکات جەختیانکردەوە لە پاڵپشتیکردنی هەموو هەوڵەکان بە ئامانجی بەهێزکردنی یەکڕیزی نیشتمانی و چەسپاندنی سەقامگیری بە شێوەیەک کە خزمەت بە بەرژەوەندی باڵای نیشتمانی بکات.

PUKMEDIA