دەزگای ئاسایشی هەرێم: بە حەوت موشەک هێرشکرایە سەر زڕگوێزەڵە و قەرەداغ

PUKMEDIA

لۆگۆی دەزگای ئاسایشی هەرێم

دەزگای ئاسایشی هەرێم رایدەگەیەنێت: بەرەبەیانی ئەمڕۆ بە حەوت موشەک هێرشکرایە سەر گوندەکانی زڕگوێزەڵە، قسرد و ناوچەی قەرەداغ.

لەڕاگەیەنراوێکدا کە وێنەیەکی دەست PUKMEDIA کەوتووە، دەزگای ئاسایشی هەرێم ئاشکرایکرد، سەعات 6:20ـی بەرەبەیانی ئەمڕۆ هەینی، بە حەوت موشەک هێرشکراوەتە سەر چەند شوێنێکی جیاواز.

دەزگای ئاسایشی هەرێم، ئاماژەی بەوەشکرد، شوێنی کەوتنی موشەکەکان بەم شێوەیەیە:
گوندی زڕگوێزەڵە: بە چوار مووشەک کراوەتە ئامانج.
گوندی قسرد:  یەک موشەک لەم گوندە کەوتووەتە خوارەوە.
نزیک گردی کوپان لە قەرەداغ: بە دوو موشەک کراوەتە ئامانج و بەدواداچوونەکان بەردەوامن.

هاوکات، دەزگای ئاسایشی هەرێم ئەوەشی خستەڕوو، تیمەکانیان لە ئێستادا لە شوێنی ڕووداوەکانن و بەدواداچوونی ورد و بەردەوام ئەنجام دەدەن، بە مەبەستی زانین و دەستنیشانکردنی قەبارەی تەواوی زیانە گیانی و مادییەکان کە بەهۆی هێرشەکانەوە کەوتوونەتەوە.

PUKMEDIA