سەرۆک وەزیران ئیدانەی هێرشەکانی هەولێر دەکات

نوسینگەی سەرۆکوەزیرانی عیراق

عەلی زەیدی سەرۆک وەزیرانی عیراق

شەوی رابردوو چەند درۆنێکی بۆمبڕێژکراو لە هەولێر تێکشکێندران و خرانە خوارەوە، هاوکات سەرۆکوەزیرانی عیراق لە پۆستێکدا ئیدانەی ئەو هێرشانە دەکات و رایدەگەیەنێت: کە بەهیچ جۆرێک چاوپۆشی بەرامبەر ئەم هەوڵە تاوانکارییانە ناکەین.

عەلی زەیدی، سەرۆکوەزیرانی عیراق لەڕاگەیەندراوێکدا لەسەر هەژماری خۆی لە سەکۆی ئێکس ئیدانەی ئەو هێرشە درۆنییانە دەکات کە شەوی ڕابردوو لەشاری هەولێر ڕوویانداو رایگەیاندووە: لە سۆنگەی بەرپرسیارێتیی دەستووریمانەوە، بە توندی سەرکۆنەی ئەو هێرشانە دەکەین کە لە رێگەی فڕۆکەی بێفڕۆکەوانەوە ئەنجامدرا و ئاسمانی شاری هەولێری لە هەرێمی کوردستانی عێراق بەزاندوە، جەختیش دەکەینەوە کە هیچ چاوپۆشی و کەمتەرخەمییەک ناکەین بەرامبەر بەم هەوڵە تاوانکارییانەی کە بە بێهیواییەوە دەیانەوێت زیان بە سەقامگیریی گەلەکەمان بگەیەنن.

ئەوەش دەڵێت: ڕێنماییمان داوە بە دەزگا ئەمنییە تایبەتمەندەکان کە هەموو هەوڵێکی خۆیان لەگەڵ هێزە ئەمنییەکانی هەرێمدا بخەنە گەڕ، بۆ گرتنەبەری سەرجەم ڕێکارە پێویستەکان بە مەبەستی ڕێگریکردن لە دووبارەبوونەوەی ئەم دەستدرێژیانە، و بنەبڕکردنی هەوڵی هەر لایەک کە بیەوێت زیان بە ئاسایشی کۆمەڵگەی عیراقی بگەیەنێت لە هەر شوێنێک بێت.

شەوی رابردوو 15ی تەممووزی 2026، لە سەعاتەکانی 20:53 تا 21:20، هێزەکانی هاوپەیمانان هەشت درۆنی بۆمبڕێژکراویان لە ئاسمانی هەولێر تێکشکاند و خستە خوارەوە، بەپێی زانیاریی هێزە ئەمنییەکان هیچ زیانێکی گیانییان لێ نەکەوتوەتەوە.

PUKMEDIA

‏
‏