سەرۆکوەزیرانی عیراق: گەلەکەمان ساڵی ئایندە ئەنجامی کارەکانمان دەبینن

نوسینگەی راگەیاندنی سەرۆکوەزیرانی عیراق

سەرۆکوەزیرانی عیراق و وەزیری گەنجینەی ئەمریکا

سەرۆکوەزیرانی عیراق، لە واشنتن پێشوازی لە وەزیری گەنجینەی ئەمریکا کرد و رایگەیاند: دەستمان بە چاکسازی و رووبەڕووبوونەوەی گەندەڵی کردووە، دەشڵێت: عیراقییەکان ساڵی داهاتوو ئەنجامی کارەکانمان دەبینن.

عەلی زەیدی سەرۆکوەزیرانی عیراق، لە واشنتن پێشوازی کرد لە سکۆت بێسنت وەزیری گەنجینەی ئەمریکا کرد و رایگەیاند: عیراق ئەمڕۆ لە قۆناغێکی جیاوازدایە، کە دەیەوێت دەوڵەتێکی خاوەن سەروەری و بەهێز بنیات بنێت، بەشێوەیەک گەندەڵی تێدا نەبێت و چەکیش تەنها لە دەستی دەوڵەتدا بێت.

سەرۆکوەزیرانی عیراق، ئاشکراشی کرد: ساڵی ئایندە عیراقییەکان ئەنجامی کارەکانمان دەبینن، کە لە چەندین کەرتدا بەرەو پێشچوونی زۆر بەخۆیەوە دەبینێت.

هەر لە کۆبوونەوەکەدا، وەزیری گەنجینەی ئەمریکا، پاڵپشتی وڵاتەکەی بۆ سەرۆکوەزیرانی عیراق دووپاتکردەوە و رایگەیاند: پەیوەندییەکانی نێوان هەردوو وڵات لە هاوبەشیی سەربازییەوە بەرەو هاوبەشیی دارایی و وەبەرهێنان دەڕوات.

PUKMEDIA