سکرتارییەتی سەرۆک مام جەلال لە شاری هەولێر چەند تێکۆشەرێک بەسەردەکاتەوە

راگەیاندنى مەکتەبی سکرتارییەتی سەرۆک مام جەلال

وێنەى یەکێک لە سەردانەکان

مەکتەبی سکرتارییەتی سەرۆک مام جەلال لە شاری هەولێر لە سێ سەردانی جیادا هەریەک لە هەڤاڵان ( نامیق خدر عەبدوڵا، سابر بەکر محەمەد ، نەجات قادر ئیسماعیل )پێشمەرگە و تێکۆشەرانی دێرینی گەلی کورد و یەکێتیی نیشتمانیی کوردستان-یان بەسەرکردەوە .

لەو سەردانانەدا، مەکتەبی سکرتارییەت بە پەرۆشییەوە لە هەواڵ و تەندروستی هەڤاڵانیان پرسییەوە و هیوای سەلامەتی زیاتر و تەندروستی باشترییان بۆ خواستن .

مەکتەبی سکرتارییەت بەڕێزەوە لە خەبات و تێکۆشانی هەڤاڵانی قارەمان و بەورەی هەولێر-ییان رووانی لەو رووەوە هەڤاڵان نامیق خدر و سابیر بەکر و نەجات قادر لە سەرەتای ئەو خەباتگێڕ و پێشمەرگە قارەمانە بوون کە بە ئازایەتی و چاونەترسییان ترس و خۆفیان خستبووە دڵی دوژمن .

مەکتەبی سکرتارییەت سڵاوی یەکێتیانەی سەرۆک بافڵ و هەڤاڵ قوباد تاڵەبانی-ییان ئاڕاستەکرد و رێز و پێزانینیان دەربڕی بۆ رابردووی پاک و پڕ لە سەروەرییان .

لە بەرامبەردا هەریەک لە هەڤاڵان ( نامیق خدر و سابیر بەکر و نەجات قادر ) خۆشحاڵی خۆیان دەربڕی بەرامبەر بە بەسەرکردنەوەیان و جەختیان لە هەڵوێستی نەگۆڕییان کردەوە بەرامبەر بە شۆڕشی نوێ و یەکێتیی وەک رۆڵەیەکی دڵسۆزی خاک و گەلی کورد دەمێنەوە لە کۆڕی خەبات و تێکۆشاندا .

PUKMEDIA