عومەر شێخ موس باسى لە مێژووی پڕشانازی و کارێزمایی سەرۆک مام جەلال کرد

راگەیاندنى مەکتەبى سکرتاریەتى سەرۆک مام جەلال

عومەر شێخ موس

ئەمڕۆ پێنجشەممە 11ى6ى2026 تێکۆشەر و کەسایەتی دیار "عومەر شێخ موس" ئەندامی دەستەی دامەزرێنەری یەکێتیی نیشتمانیی کوردستان سەردانی مەزاری سەرۆک مام جەلال-ی کرد و لەلایەن مەکتەبی سکرتارییەت بە گەرمی پێشوازیکرا.

دوای دانانی تاجە گوڵینەی رێز و وەفاداری عومەر شێخ موس لە دەفتەری یادەوەرییەکاندا بە رێزەوە باس لە مێژووی پڕشانازی و کارێزمایی سەرۆک مام جەلال کرد لە بزووتنەوەی رزگاریخوازی کوردایەتی وتی، لە هەمووکات زیاتر ئەمڕۆ پێویستمان بە سیاسەت و تێڕوانینەکانیەتی بۆ ئیدارەدان و یەکخستنی تواناکان لە خزمەتی بەرژەوەندی گشتی و گەلەکەمان .

مەکتەبی سکرتارییەتی سەرۆک مام جەلال ستایشی خەباتی جوامێرانەی هەڤاڵ عومەر شێخ موس-یان کرد وەک سەرکردەیەکی نیشتمانپەروەر و دڵسۆزی خاک و گەلەکەمان و هاوخەباتی سەرۆک مام جەلال کە لەهەموو قۆناغەکاندا مایەوە و بەشێکە لە سەروەرییەکانی تێکۆشان و شۆڕشی نوێی گەلەکەمان .

PUKMEDIA