مەڵبەندی دیراساتی گشتیی یەکێتی لەگەڵ سێ ناوەندی گرنگی تورکیا کۆدەبێتەوە

مەڵبەندی دیراساتی گشتیی یەکێتی

مەڵبەندی دیراساتی گشتیی یەکێتی لەگەڵ سێ ناوەندی گرنگی تورکیا کۆدەبێتەوە

ئەمڕۆ  لەبارەگای مەڵبەندی دیراساتی گشتی یەكێتی لە سلێمانی دكتۆر یوسف گۆران لێپرسراوی مەڵبەندی دیراساتی گشتی ، بەئامادەبوونی د.ئومێد ڕەفیق لێپراسراوی ناوەندی لێكۆڵینەوەی ستراتیجی و سانا نەوزاد توێژەر، لەگەڵ هەریەك لە د.قادر تەمیز سەرۆكی سەنتەریدیراساتی رۆژهەڵاتی ناوەراست ORSAM و  د. سەرحان ئافەجان سەرۆكی سەنتەری دیراساتی ئێرانی ئیرام İRAM  و محەمەد ئاڵەجا، نوێنەری سەنتەری دیراساتی سیاسی، ئابوری و كۆمەڵایەتی (SETA)، توركیا كۆبوونەوە. 

لە دیدارەكەدا دواین گۆڕانكاری و پەرەسەندنە سیاسییەكانی ناوچەكە و عیراق و دۆخی پڕۆسەی ئاشتی لە توركیا و ناوچەكە و پەیوەندییەكانی نێوان توركیاو هەرێمی كوردستان و  پەیوەندی ئەنقەرە و سلێمانی گفتوگۆی لەبارەوە كرا، هەروەها جەخت لەسەر ڕۆڵی سەنتەرەكانی توێژینەوە و پتەوكردنی پەیوەندیی و هاوكاری نێوان سەنتەری توێژینەوەی ئایندەی ، و مەڵبەندی دیراساتی گشتی لەگەڵ ئەو سەنتەرانەیا كرایەوە بەئاراستەی خزمەتی پتەوكردنی پەیوەندییەكانی و هەرێم و پتە كردنی هەوڵەكان  بۆ  سەقامگیری و ئاشتی لە ناوچەكەدا كرایەوە.

سەرنج و روانگەی یەكێتیی نیشتمانیی كوردستان بۆ ناو هەرێم و پەیوەندییەكان لەگەڵ بەغداد و لەگەڵ توركیا و هەوڵەكانی یەكێتی بۆ سەقامگیری ناوچەكە لەشەڕی ئەمریكا-ئیسڕائیل لەگەڵ ئێراندا لەلایەك و لەلایەكی تر ڕۆڵی یەكێتی نیشتمانی كوردستان لەپڕۆسەی ئاشتی و مەراسیمی چەك دانای پەكەكە و پێكەوەژیانی ئاشتییانە لەگەڵ پێكهاتەكانی تردا بەتایبەت توركمان لەكەركوك  وەرگرتنی پۆستی پارێزگاری كەركوك كە رەنگدانەوەی  پرەنسیپی پێكەوەژیانە، لەلایەن وەفدی سەنتەرەكانی توێژینەوەی توركیاوە بەرزنرخێنران.

لای خۆیانەوە جەختیان لەسەر كار و پڕۆژەی هاوبەش لەبوارە ئەكادیمی و توێژینەوە و كۆنفرانس و دیداری هاوبەش كردەوە.

PUKMEDIA