مەكتەبی سیاسیی پارتی: لەیادی یەكێتیدا جەخت لەتەبایی نێوان هێزو لایەنەكان دەكەینەوە

PUKMEDIA

لۆگۆی یەکێتیی نیشتمانیی کوردستان و پارتی دیموکراتی کوردستان

بە بۆنەی ساڵیادی دامەزراندنی یەكێتیی نیشتیمانیی كوردستانەوە، مەكتەبی سیاسیی پارتی، پەیامێكی پیرۆزبایی ئاڕاستەی سەرۆكی یەكێتی و ئەندامانی مەكتەبی سیاسی دەكات و رایدەگەیەنێت: لەم دەرفەتەدا، جەخت دەكەینەوە سەر هەماهەنگی و تەبایی نێوان سەرجەم هێزو لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییەكان.

دەقی پەیامەكە:

بەڕێز/ بافڵ جەلال تاڵەبانی سەرۆكی یەكێتیی نیشتیمانیی كوردستان

بەڕێزان/ ئەندامانی مەكتەبی سیاسی و ئەنجوومەنی باڵای سیاسی و بەرژەوەندیی یەكێتیی نیشتیمانیی كوردستان

بە بۆنەی(51)مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و كادیر و ئەندام و لایەنگرانی یەكێتی دەكەین و، هیوای بەردەوامیتان بۆ دەخوازین. 

لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەكان و پاراستنی دەستكەوتەكانمان و بەهێزكردنی دامەزراوەكان و داكۆكیكردن لە قەوارەی دەستووری و سیاسی هەرێمی كوردستان.

جارێكی دیكە پیرۆزباییتان لێ دەكەین.

مەكتەبی سیاسیی پارتی دیموكراتی كوردستان

31ی ئایاری 2026
PUKMEDIA