دابەشكردنی مووچەی مانگی نیسان دەستیپێكرد

PUKMEDIA

دیناری عیراقی

ئەمڕۆ 13ى5ى2026 لە هەرێمى کوردستان مووچەى مانگى نیسان دابەشدەکرێت.

وەزارەتی دارایی و ئابوری حكومەتی هەرێمی كوردستان، ئەمڕۆ 13ی 5ی 2026 دەستبەدابەشکردنى مووچەی مانگی نیسانی فەرمانبەران و مووچەخۆرانی هەرێمی کوردستان دەکرێت و بەپێی خشتەكەش، رۆژی شەممە16ى 5ى2026  كۆتایی بەدابەشكردنی مووچە دێت.  

هەر بەپێی خشتەكەی وەزارەتی دارایی هەرێم، ئەمڕۆ خانەنشینى شارستانى ، زیندانە سیاسییەکان و بەرکەوتوانى کیمیا باران، کەسوکارى شەهیدان و ئەنفالکراوان، خوێندنى باڵاوتوێژینەوەى زانستى، پەروەردە، تەندروستى، مووچە وەردەگرن.

ئەمەش لە کاتێکدایە وەزارەتی دارایی و ئابوری هەرێم لە راگەیەندراوێکدا دووشەممە ( 11 ی ئایاری 2026)  رایگەیاند: بڕی ( 663،805،000،000 ) شەش سەد و شەست و سێ ملیار و هەشت سەد و پێنج ملیۆن دینار وەک بەشێک لە تەمویلی مووچەی مانگی نیسانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عیراق.

هاوکات 12ى5ى2026 وەزارەتی دارایی و ئابووری حکومەتی هەرێم لە راگەیەندراوێکدا رایگەیاند: دواین گوژمەی تەمویلی مووچەی مانگی نیسانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عیراق کە سەرجەمی بڕەکەی ( 961،736،000،000 ) نۆ سەد و شەست و یەک ملیار و حەوت سەد و سی و شەش ملیۆن دینارە .


PUKMEDIA