پەرلەمانتاران بەدواداچوون بۆ کێشەکانی وەزارەتی ناوخۆ و هاتووچۆی هەرێم دەکەن

PUKMEDIA

سەردانی پەرلەمانتاران بۆ هاتووچۆی هەرێم

نوێنەرانی یەکێتی لە پەرلەمانی کوردستان سەردانی وەزارەتی ناوخۆ و هاتووچۆی هەرێم دەکەن و بەدەم کێشە و گرفتەکانی کارمەندان و ئەفسەرانی وەزارەت و گرفتەکانی بەردەم دەرهێنانی مۆڵەتی شۆفێرییەوە چوون.

هەڵمەت هۆشیار ئەندامی پەرلەمانی کوردستان لە فراکسیۆنی یەکێتی بە یاوەری پەرلەمانتاران "سەرخێڵ نەجمەدین و جوانڕۆ محەمەد" سەردانی وەزارەتی ناوخۆ و بەڕێوەبەرایەتی گشتی هاتوچۆی هەرێمیانکرد، کە سەردانەکەیان بە مەبەستی چارەسەرکردنی کێشە و گرفتەکانی هاوڵاتیان و  بەشێک لە کارمەندانی وەزارەتی ناوخۆ بوو، کە لە ماوەکانی ڕابردوودا لەڕێی سکاڵا و سەردانییەوە بۆ لای پەرلەمانتاران ئاگاداریان کردبونەوە.

هەڵمەت هۆشیار وتی: چارەسەری گرفتی ئەو کارمەندانەی وەزارەتی ناوخۆ کرا کە کێشەی نەبەستنی دەرماڵەی هاوسەریان هەبوو"دەرماڵەی خێزان"، لەگەڵ بەدواداچوون بۆ خشتەی پلەبەرزکرنەوەی ئەفسەران.

ئاماژەی بەوەشکرد: بەشێک لە نوسینگەکانی دەرهێنانی مۆڵەتی شۆفێری گرفتی جیاجیایان هەبوو ئەوانیش بەڕێگەی جیا داوای چارەسەريان بۆ کرا و لەگەڵ گرفتی ئەو هاونیشتیمانیانەی لەدەرهێنانی مۆڵەتی شۆفێریدا بەهۆی نەبوونی نەخوێندەوارییەوە ڕوبەڕووی کێشە دەبوونەوە، لەسەر ڕاسپاردە و بەدواداچوونی پەرلەمانتاران لەماوەیەکی نزیکدا سەرجەم ئەم گرفتانە چارەسەردەکرێن و بەنووسرا و بڕیاری وەزارەتی ناوخۆ.

PUKMEDIA