ئاسایش تۆمەتبارانی رووداوێكی كوشتن لەشارەزوور دەستگیر دەكات

دەزگای ئاسایشی هەرێم

ئاسایش

دەزگای ئاسایشی هەرێم تۆمەتبارانی رووداوێكی كوشتن لەقەزای شارەزوور دەستگیر دەكات كەخێزان و كچی كوژراوەكەن و هەردوو تۆمەتبار دانیان بەتاوانەكەداناوە. 

دەزگای ئاسایشی هەرێم رایگەیاند: ئەمڕۆ 15ی 1ی 2026، بەڕێوەبەرایەتی ئاسایشی شارەزوور لەڕووداوێكی كوشتن لەگوندی دسكەرەی قەزای شارەزوور ئاگادار كرایەوەو  دەستبەجێ لەسەر بڕیاری دادوەری لێكۆڵینەوەی ئاسایش بەدواداچوون و لێكۆڵینەوەی دەستپێكرد.

ئەوەشی خستەڕوو: دوای ئەنجامدانی بەدواداچوون لەسەر رووداوەكە دوو تۆمەتبار بەمەبەستی لێكۆڵینەوە دەستگیركران كەپێكهاتبوون لەخێزان و كچی كوژراو، لەئەنجامی لێكۆڵینەوەكان هەردوو تۆمەتبار دانیان بەتاوانەكەداناوە كە هەستاون بە كوشتنی هاووڵاتی شاخەوان حسێن عەبدوڵڵا. 

ئاماژەی بەوەشكرد: لەئێستادا تۆمەتباران بەبڕیاری بەڕێز دادوەری لێكۆڵینەوە بەماددەی 406 لەیاسای سزادانی عیراقی راگیراون و لێكۆڵینەوە لەدۆسییەكە بەردەوامە.

PUKMEDIA