دوو گەورە بازرگانی ماددەی هۆشبەر لە سعودییە دەستگیرکران

PUKMEDIA

دەزگای ئاسایشی هەرێم

بەهاوکاری دەزگای ئاسایشی هەرێم، دوو گەورە بازرگانی ماددەی هۆشبەر لەوڵاتی سعودیە دەستگیرکران.

لەڕاگەیەنراوێکدا کە وێنەیەکی بۆ PUKMEDIA نێردراوە، دەزگای ئاسایشی هەرێم بڵاویکردووەتەوە، دوای بەدواداچوونی ورد و کۆکردنەوەی زانیاری لەلایەن بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم و بەهەماهەنگی لەگەڵ بەڕێوەبەرایەتی نەهێشتنی ماددە هۆشبەرەکانی عیراق و وڵاتی سعودیە، لەسەر دوو گەورە بازرگانی ماددەی هۆشبەر، کە خەڵکی پارێزگای (صلاح الدين )و خاوەنی کۆمپانیای تایبەت بە حەج و عومرەن و ماوەی ٦ ساڵە  کاری بازرگانی ماددەی هۆشبەریان کردووە لەنێوان عێراق  و سعودیە و تورکیا و چەند و
وڵاتێکی کەنداو. 

راشیگەیاندووە:بازرگانان لەڕێگەی پاسەکانەوە ماددەکانیان بەشێوازێکی شاراوە و بەتەکنیکی جۆراوجۆر گواستۆتەوە، ئەم چالاکییە بەهاوکاری و زانیاری بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم و بەهەماهەنگی باڵا لەگەڵ بەڕێوەبەرایەتی گشتی بەرەنگاربوونەوەی ماددەی هۆشبەر لەوڵاتی سعودیە لەشاری (مەدینە) ئەنجامدرا، توانرا دوو گەورە بازرگانی ماددەی هۆشبەر دەستگیربکرێن و دەستبەسەر بڕی ( 142)کیلۆگرام ماددەی ( کریستاڵی شل ) بگیرێت.

دوای ئەنجامدانی لێکۆڵینەوەکان دەرکەوت کە ماددە هۆشبەرەکان لەدەروازەی سنوری (عەر عەر) گەیەنراوەتە ناو خاکی ووڵاتی سعودیە.

PUKMEDIA