تۆمەتباری ڕووداوەکەی خورماڵ دەستگیرکرا

PUKMEDIA

لۆگۆی ئاسایش

ئەمڕۆ 14ی9ی2025، لەناحیەی خورماڵی پارێزگای هەڵەبجە گەنجێک کوژراو لە ماوەی کەمتر لە سەعاتێکیشدا لەلایەن ئاسایشی شارەزوورەوە تۆمەتبار دەستگیر کرا.

بەپێی راگەیەندراوێکی دەزگای ئاسایشی هەرێمی کوردستان، بەڕێوەبەرایەتی ئاسایشی شارەزوور دەستبەجێ لەسەر ئەم ڕووداوە لێکۆڵینەوە و بەدواداچوونی ئەنجامداو دوای کۆکردنەوەی زانیاری ورد، لەماوەی کەمتر لە سەعاتێکدا، توانرا تۆمەتبار دەستنیشانبکرێت.

دەشڵێت: بەفەرمانی دادوەری لێکۆڵینەوەی ئاسایش توانرا تۆمەتبار دەستگیربکرێت و لەکاتی لێکۆڵینەوەشدا دانی بەتاوانەکەیدا ناوە.

لە کۆتایشدا رایگەیاندووە: لەئێستادا تۆمەتبار بەپێی ماددەی(406) لەیاسای سزادان ڕاگیراوە.

PUKMEDIA