دەزگای ئاسایش چارەنووسی هاووڵاتییە ئەمریکییەکەی لالەزار ئاشکرادەکات

PUKMEDIA

لۆگۆی دەزگای ئاسایش

وتەبێژی دەزگای ئاسایشی هەرێمی کوردستان رایدەگەیەنێت:" هاووڵاتییە ئەمریکییەکەی لە لالەزار دەستگیرکرا، لە ئاسایش راگیراوە و یاسای بەسەردا جێبەجێدەکرێت".

عەقید سەلام عەبدولخالق وتەبێژی دەزگای ئاسایشی هەرێمی کوردستان،بە کەناڵی گەلی کوردستانی راگەیاند: هاووڵاتییەکی ئەمریکی بە ناوی (برایان ویڵسن) لە شەوی رووداوەکەی لالەزاردا لە 22ی8ی2025 دەستگیرکراوە و پاش لێکۆڵینەوە لەگەڵیدا دانی بەوەدا ناوە، کە خۆی سەربەخۆ و بەبێ ئاگاداری و رەزامەندیی وڵاتەکەی کە ئەمریکایە هاوکار بووە لە دروستکردن و مەشق و راهێنانی مەیدانی بە میلشیایەکی چەکداری نایاسایی بە ناوی (هێزی دووپشک).

وتیشی: وەکو کەسێکی بەکرێگیراو ئەرکی مەشق و راهێنانی سەربازی بووە بەو هێزە و بە بڕیاری دادوەری لێکۆڵینەوەی ئاسایش دەستگیرکراوە، لەئێستادا لە دەزگای ئاسایشی هەرێمی کوردستان راگیراوە و یاسای بەسەردا جێبەجێ دەکرێت.

PUKMEDIA