ئه‌نجومه‌نی نوێنه‌ران ده‌نگیدا له‌سه‌ر هه‌مواری یاسای زیندانیه‌ سیاسییه‌كان

PUKMEDIA

بیناى ئەنجومەنى نوێنەران

ئه‌نجومه‌نی نوێنه‌رانی عیراق ده‌نگیدا له‌سه‌ر هه‌مواری دووه‌می یاسای دامه‌زره‌وه‌ی زیندانه‌ سیاسییه‌كان و به‌پێی هه‌مواره‌كه‌ زیندانییه‌ سیاسییه‌كانی هه‌رێمی كوردستانیش هه‌موو ئه‌و ئیمتیازاتانه‌ ده‌یانگرێته‌وه‌ كه‌ زیندانییه‌ سیاسییه‌كانی عیراق ده‌یانگرێته‌وه‌.

بڕ‌یار ره‌شید ئه‌ندامی ئه‌نجومه‌نی نوێنه‌رانی عیراق له‌فراكسیۆنی یه‌كێتی به‌ PUKMEDIA ی راگه‌یاند: "له‌كۆبوونه‌وه‌ی ئه‌مڕۆی ئه‌نجومه‌نی نوێنه‌راندا ده‌نگماندا له‌سه‌ر هه‌مواری دووه‌می یاسای دامه‌زراوه‌ی زیندانه‌ سیاسییه‌كان ".

راشیگه‌یاند: "یاساكه‌ چه‌ندین ده‌ستكه‌وتی تێدایه‌ بۆ زیندانیانی سیاسی و دوای هه‌وڵی هه‌مه‌وو لایه‌نه‌كان توانیمان وابكه‌ین كه‌ئه‌م یاسایه‌ زیندانیانی سیاسی هه‌رێمی كوردستانیش بگرێته‌وه‌".

ئه‌وه‌شی خسته‌ڕوو: "زیندانیانی سیاسی هه‌رێمی كوردستان هه‌موو ئه‌و ئیمتیازانه‌ ده‌یانگرێته‌وه‌ كه‌ ده‌درێت به‌ زیندانیانی سیاسی عیراق".

PUKMEDIA