دەزگای ئاسایشی هەرێم دوو کەس بەتۆمەتی کوشتنی منداڵێک دەستگیردەکات

PUKMEDIA

لۆگۆی دەزگای ئاسایش

بەڕێوەبەرایەتی گشتی ئۆپراسیۆنەکانی دەزگای ئاسایشی هەرێم، ژن و پیاوێکیان دەستگیرکرد، کە لەپارێزگای دیالە منداڵێکی خاوەن پێداویستی تایبەتیان کوشتووە.


لەڕگەیەنراوێکدا کە وێنەیەکی بۆ PUKMEDIA نێردراوە، دەزگای ئاسایشی هەرێم رایگەیاندووە:" رۆژی7ی8ی2025، دوای بڵاوبونەوەی هەواڵی کوشتنی منداڵێکی خاوەن پێداویستی تایبەت لەپارێزگای دیالە، لەلایەن  ژن و مێردێکی بەخێوکەر و هەڵاتنی تۆمەتباران بەرە و هەرێمی کوردستان، بەپێدانی زانیاری هەواڵگری لەلایەن (خلية الصقور)ی پارێزگای کەرکوک سەر بە هەواڵگری عیراق، دەستبەجێ بەڕێوەبەرایەتی گشتی ئۆپراسیۆنەکان ئاسایش بەدواداچوون و لێکۆڵینەوەی وردی بۆ دۆزینەوەی شوێنی تۆمەتباران ئەنجامدا و بەبڕیاری دادوەری لێکۆڵینەوەی ئاسایش، توانیان شەوی 10ی8ی2025 لەقەزای چەمچەماڵ هەردوو تۆمەتباری داواکراو دەستگیربکەن و بەپێی تایبەتمەندی کەیسەکە دوای لێکۆڵینەوە هەردوو تۆمەتباری بکوژ رادەستی هێزە ئەمنیەکانی عێراق دەکرێنەوە".

"لەئێستادا تۆمەتباران بە ماددەی(405) لەیاسای سزادانی عیراقی راگیراون و لێکۆڵینەوە لەدۆسیەکانیان بەردەوامە"، لەڕاگەیەنراوەکەدا هاتووە.

PUKMEDIA