ده‌زگای ئاسایشی هه‌رێم زیاتر له‌ 800 كگم ماده‌ی هۆشبه‌ر له‌ناوده‌بات

تایبەت

وێنەیەکى کاتى گۆنگرەکە و مادە هۆشبەرەکان

دەزگاى ئاسایشى هەرێم رایگەیاند: "ئەمڕۆ هەڵدەستن بە سوتاندن و لەناوبردنى  نزیکەى811 کیلۆگرام مادەى هۆشبەرى جۆر جیارواز".

ئەمڕۆ پێنجشەممە 7ى8ی2025 لە کۆنگرەیەکى رۆژنامەوانیدا سەلام عەبدولخالق وتەبێژی دەزگای ئاسایشی هەرێمی کوردستان، رایگەیاند : " ئەمڕۆ بڕى 811 کیلۆگرام لە مادەى هۆشبەرى جۆر جیاواز دەسوتێنین و لەناویدەبەین، کە لە ماوەى رابردوودا لە لایەن بەڕێوەبەرایەتى گشتى نەهێشتنى مادەهۆشبەرەکان لە چەندین چالاکى سەرکەوتودا دەستیان بەسەردا گیراوە". 

ئاماژەی بەوەشدا: "لیژنەیەکى چاودێرى تایبەتمەند بۆ ئەم مەبەستە پێکهێنراوە، کە پێکدێت لە نوێنەرانى سەرۆکایەتى دادگاى سلێمانى و بەڕێوەبەرایەتى گشتى تەندروستى سلێمانى و بەڕێوەبەرایەتى گشتى نەهێشتنى مادەهۆشبەرەکان".

ئەوەشى روونکردەوە: "رێگردەبین لەوەى هەرێمى کوردستان  وەک رێڕەوێکى گواستنەوەى مادەى هۆشبەر بەکاربهێنرێت و بەهەموو شێوەیەک رووبەڕوى بازرگانانى مادەى هۆشبەر دەبینەوە".

راشیگەیاند: "بەشێوەیەکى زانستى و پێشکەوتو ئەو مادە هۆشبەرانە لەناو دەبرێن".

سەلام عەبدولخالق وتەبێژی دەزگای ئاسایشی هەرێمی کوردستان، ئەوەشى راگەیاند : "بازرگانى کردن بە مادەى هۆشبەر زیادى کردوە، بەڵام بە پێى ئامارەکان بەکارهێنانى مادەى هۆشبەر بەراورد بە ساڵانى رابردوو کەمى کردووە".

بڕ و جۆری مادەکانی لەناودەبرێن:

مادەی کریستاڵ 398 کیلۆ و 305گرام.
هیرۆین 184 کیلۆ و 117گرام.
تلیاک 147 کیلۆ و 919 گرام.
حەشیش 5 کیلۆ و 938گرام.
45هەزار و 307 دەنک حەبی جۆراو جۆر 
مادەی دیکە 74 کیلۆ و نیو

PUKMEDIA