دەزگای ئاسایش دەستگیركردنی سێ تیرۆرستی د*ا*ع*ش رادەگەیەنێت

ئاسايش

دەزگای ئاسایشی هەرێم

بەڕێوەبەرایەتی گشتی ئۆپراسیۆنەكانی ئاسایش، بە هەماهەنگی ئاڵۆگۆڕی زانیاری لەگەڵ دەزگا ئەمنییەكانی عیراق لە سنووری سلێمانی و چەمچەماڵ و شارەزوور سێ تیرۆریستی داعش-یان  دەستگیكرد.

لە راگەیەندراوێكی دەزگای ئاسایشی هەرێم كە كۆپییەكی دەست PUKMEDIA كەوتووە راگەیەندراوە: "لەماوەی 6 تا 21-5-2025، بەڕێوەبەرایەتی گشتی ئۆپراسیۆنەكانی ئاسایش، لەسێ چالاكی جیاوازدا، لەسەر بنەمای زانیاری هەواڵگری و بە بڕیاری دادوەری لێكۆڵینەوەی ئاسایش، دوای بەدواداچوون و كۆكردنەوەی زانیاری ورد و دەستنیشانكردنی شوێنی تیرۆریستان توانیان سێ تیرۆریستی داعش لەدەورووبەری سلێمانی و چەمچەماڵ و شارەزوور دەستگیربكەن كە لەلایەن دادگاكانەوە داواكراو بوون، لە رابردوودا ئەندامی چالاكی گرووپی تیرۆریستی داعش بوون".

ئەوەشخراوەتەڕوو: "لە ئێستادا تۆمەتباران بەماددەی 4 ی تیرۆر راگیراون و روبەڕوی یاساكرانەوە و لێكۆڵینەوە لە دۆسییەكانیان بەردەوامە".

PUKMEDIA