ئاسایش دەست بەسەر 20 كیلۆگرام ماددەی هۆشبەردا دەگرێت

PUKMEDIA

لۆگۆی دەزگای ئاسایش

دەزگای ئاسایشی هەرێم، لەدوو ئۆپراسیۆندا دەست بەسەر بڕی 20 كیلۆگرام ماددەی هۆشبەردا دەگرێت و بەبڕیاری دادوەر تۆمەتباران راگیراون و لێكۆڵینەوە لەدۆسییەكانیان بەردەوامە.

لەڕگەیەندراوێكی دەزگای ئاسایشی هەرێم كەكۆپییەكی دەست PUKMEDIA كەوتووە راگەیەندراوە: "بەڕێوەبەرایەتی گشتی نەهێشتی ماددەهۆشبەرەكان بەهەماهەنگی بەڕێوەبەرایەتی گشتی ئۆپراسیۆنەكانی ئاسایش، رۆژی 13-4-2025، لەچالاكییەكدا لەناوچەیەكی سنووری هەورامان، توانیان دەستبگرن بەسەر بڕی 10 كیلۆگرام ماددەی هۆشبەر لەجۆری كریستاڵ".

ئەوەش راگەیەندراوە: "لەچالاكییەكی دیكەدا بەڕێوەبەرایەتی گشتی نەهێشتنی ماددە هۆشبەرەكان لەڕۆژی 14-4-2025، لەڕووبەڕوبوونەوەیەكدا لەشەقامی بازنەی مەلیك محمود، توانیان دوو بازرگانی ماددەی هۆشبەر دەستگیربكەن و دەستبگرن بەسەر بڕی 10 كیلۆگرام ماددەی هۆشبەر لەجۆری حەشیش".

دەزگای ئاسایشی هەرێم ئەوەشی خستووەتەڕوو: "لەئێستادا تۆمەتباران بەبڕیاری دادوەرو بەماددەی 25 لەیاسای بەرەنگاربوونەوەی ماددە هۆشبەرەكان و كارتێكارە ئەقڵییەكان راگیراوەو لێكۆڵینەوە لەدۆسییەكانیان بەردەوامە".

PUKMEDIA