خولی پەرەپێدانی بنەماكانی كاری پەرلەمانیی كۆتاییهات

PUKMEDIA

خولی پەرەپێدانی بنەماكانی كاری پەرلەمانیی كۆتاییهات

خولی پەرەپێدانی بنەماكانی كاری پەرلەمانیی، كە بۆ ئەندامانی فراكسیۆنی سەوز لە پەرلەمانی كوردستان لەلایەن مەڵبەندی دیراساتی گشتی و ناوەندی كاروباری یاسایی یەكێتیی نیشتمانیی كوردستانەوە كرایەوە و سێ رۆژ بەردەوام بوو، كۆتاییهات. 

بە ئامادەبوونی تەلار لەتیف لێپرسراوی ناوەندی كاروباری یاسایی، د.یوسف گۆران لێپرسراوی مەڵبەندی دیراساتی گشتی، سەركەوت زەكی لێپرسراوی مەكتەبی رێكخستن، كۆتایی بە خولی سێ رۆژەی پەرەپێدانی بنەماكانی كاری پەرلەمانی بۆ پەرلەمانتارانی فراكسیۆنی سەوز لەپەرلەمانی كوردستان هات. 

لە وتەیەكدا، تەلار لەتیف بە ناوی ناوەندی كاروباری یاسایی و مەڵبەندی دیراساتی گشتییەوە، رایگەیاند: "ئامانج لە كردنەوەی ئەم خولە زیاتر بۆ ئاشنابوون بوو بەو بابەتانەی كە پەیوەستن بە بنەماكانی كاری پەرلەمانییەوە، بۆیە هەوڵدەدەین لە داهاتووشدا لەسەر ئەم جۆرە خولانە بەردەوام بین".

دواتر ئازاد حەمەئەمین بە ناوی فراكسیۆنی سەوز لە پەرلەمانی كوردستان، رایگەیاند: "ئەم خولە بۆ ئێمە گرنگ بوو، بەرچاوڕوونیی زۆری پێداین و لێوەی فێربووین".

PUKMEDIA