ئاسایش بكوژی مامۆستاكەی چەمچەماڵ دەستگیر دەكات

PUKMEDIA

لۆگۆی ئاسایش

دەزگای ئاسایش بكوژی مامۆستاكەی چەمچەماڵی راگەیاندو ئاماژە بەوەشدەكات، بكوژ دانی بەتاوانەكەیدا ناوەو پێشینەی تاوانی هەیە.

لەراگەیەندراوێكی دەزگای ئاسایشی هەرێم كەكۆپییەكی بۆ PUKMEDIA نێردراوە راگەیەندراوە: "لەمیانەی بەدواداچوون و گەڕان بەدوای تاوانباری سەرەكی و كۆكردنەوەی زانیاری و چڕكردنەوەی هەوڵەكان بۆ دۆزینەوەی بكوژی مامۆستا( ل.ا.ح)سەرجەم رێكارە پێویستەكان گیرانە بەرو توانرا لەلایەن ب.ئاسایشی بازگەكان تاوانبار (ه.ح.س) دەستگیر بكات و رووبەڕوی یاسای بكاتەوە".

ئەوەشخراوەتەڕوو: "لەئەنجامی لێكۆڵینەوەی سەرەتایی لەگەڵ تاوانباردا  دانی بەتاوانەكەیدا ناوەو لێكۆڵینەوە بۆ گەیشتن بە هۆكاری ئەنجامدانی تاوانەكە بەردەوامە".

ئاماژە بەوەشدراوە: "تاوانبار پێشینەی تاوانی هەیەو ماوەی پێنج ساڵ بەماددەی تیرۆر لەسەر بیری توندڕەوی چوونە ناو گروپی تیرۆریستی د*ا*ع*ش و كاركردن لەگەڵیاندا سزادراوە" .

PUKMEDIA