ئاسایش زیندانێکی هەڵاتوو دەستگیردەکاتەوە

PUKMEDIA

لۆگۆی ئاسایش

پاش ئەوەی زیندانییەک لە کاتی گواستنەوەی هەڵدێت، لەلایەن دەزگای ئاسایشی هەرێمەوە دەستگیردەکرێتەوە.

دەزگای ئاسایشی هەرێم لە راگەیەندراوێکدا کە کۆپییەکی بۆ PUKMEDIA نێردراوە رایگەیاند: "ئەمشەو ٢٠٢٤/١١/١٣ زیندانییەک بەناوی(ح،أ،م) بەماددەی (٤٥٦)لە هەولێر زیندانی کراوبوو، لەکاتی گواستنەوەی لەلایەن مەفرەزەیەکی پۆلیسی گەرمیان بۆ گرتووخانەی گەرمیان، لەناحیەی زەڕایەن هەڵات".

"دەزگای ئاسایشی هەرێم، دوای وەرگرتنی فەرمانی بەڕێز دادوەر بەدواداچوون بۆ دەستگیرکردنی زیندانییە هەڵاتووەکە ئەنجامدرا و توانرا لەماوەی کەمتر لە ٣ سەعاتدا لەنزیک بازگەی (بەردە سوور)ی گەرمیان دەستگیری بکەن و لە ئێستادا لیکۆڵینەوە لەکەیسەکە بەردەوامە"، لەراگەیەندراوەکەدا واهاتووە.

PUKMEDIA