تۆمەتباری کوشتنی هاووڵاتییەکەی کۆیە دەستگیرکرا

PUKMEDIA

دەزگای ئاسایشی هەرێم

دەزگای ئاسایشی هەرێم دەستگیرکردنی تۆمەتباری کوشتنی هاوڵاتییەکەی قەزای کۆیە رادەگەیەنێت.
 
دەزگای ئاسایشی هەرێم لە راگەیەندراوێکدا کە کۆپییەکی بۆ PUKMEDIA نێردراوە رایگەیاندووە:"دوای ئەوەی شەوی رابردوو ٢٠٢٤/١١/٩ لە گەڕەکی زانست لە قەزای کۆیە، بەهۆکاری بوونی کێشەیەکی کۆمەڵایەتی هاووڵاتی ( ص، ع، أ ) لە رووداوێکی تەقەکردن گیانی لەدەستدا".

"دەستبەجێ بەڕێوەبەرایەتی ئاسایشی ڕۆژهەڵاتی هەولێر گەیشتنە شوێنی ڕووداوەکە و بە بڕیاری دادوەری لێکۆڵینەوە بەدواداچوون و لێکۆڵینەوەکان دەستیپێکرد و لە ماوەیەکی کەمدا تۆمەتباری ڕووداوەکە بەناوی ( م، ج ،ع ) تەمەن ٢٢ساڵ دەستگیرکرا" لە راگەیەنراوەکەدا هاتووە.

هەر لە راگەیەنراوەکەدا ئاماژە بەوەشکراوە:"لە ئێستادا پەڕاوی لێکۆڵینەوە لە دادگای لێکۆڵینەوەی کۆیە بۆ ڕووداوەکە کراوەتەوە  و لێکۆڵینەوەکان بەردەوامە".

PUKMEDIA