ئاسایشی سلێمانی بكوژی هاووڵاتییەكەی هەولێر دەستگیر دەكات

PUKMEDIA

لۆگۆی ئاسایش

بەڕێوەبەرایەتی ئاسایشی سلێمانی لەماوەی كەمتر لە 24 سەعاتدا لەسلێمانی بكوژی هاووڵاتییەكەی شاری هەولێر دەستگیر كرد.

لەراگەیەندراوێكی بەڕێوەبەرایەتی ئاسایشی سلێمانی، كە كۆپییەكی بۆ PUKMEDIA نێردراوە راگەیەندراوە: "پاش ئەوەی سەعات 10:30 دەقیقەی شەوی رابردوو 17-8-2024، لە شاری هەولێر، هاووڵاتییەك بەناوی (ئەحمەد خۆشناو) كە خاوەنی پێشانگای كڕین و فرۆشتنی ئۆتۆمۆبێلە، لەپڕۆژەی نیشتەجێبوونی (ئیسكانی نوێ) لە هەولێر كوژرا، بەڕێوەبەرایەتی ئاسایشی سلێمانی، دوای كۆكردنەوەی زانیاری و بەدواداچوونی وردو دەستنیشانكردنی شوێنی خۆحەشاردانی تۆمەتبار، بە بڕیاری دادوەری لێكۆڵینەوەی ئاسایش، بەیانی ئەمڕۆ 18-8-2024، توانیان بكەری تاوانەكە لە شاری سلێمانی دەستگیربكەن و رووبەڕوی یاسای بكەنەوە".

PUKMEDIA